الماتىنىڭ اۋەزوۆ اۋدانىندا 14 مىڭعا جۋىق بالا تەگىن شىعارماشىلىق جانە سپورتتىق بىلىممەن قامتىلعان. بۇل تۋرالى قالا باسشىسى ەربولات دوساەۆ اۋدان تۇرعىندارىمەن ەسەپ بەرۋ كەزدەسۋىندە مالىمدەدى.

سۇراق: بيۋدجەتكە جانە «دامۋ بالا» باعدارلاماسى بويىنشا قوسىمشا شىعارماشىلىق جانە سپورتتىق ءبىلىم بەرۋدى دامىتۋعا قاتىستى

جاۋاپ: قازىر اۋداندا 14 مىڭعا جۋىق ۆاۋچەر بەلسەندى (قامتۋ – 13 452). 2024 جىلعا 3,1 ملرد تەڭگە ءبولىندى، 6 ايدا 2 ملرد تەڭگە يگەرىلدى، قالعانى 1,1 ملرد تەڭگە. بيىل جىل سوڭىنا دەيىن تولىق يگەرۋ جوسپارلانىپ وتىر.

سۋرەت الماتى قالاسى اكىمدىگىنىڭ ءباسپاسوز قىزمەتىنەن الىندى

انىقتاما ءۇشىن: 2023 جىلدىڭ ءساۋىر ايىندا ورتالىقسىزداندىرۋ اياسىندا اۋداندىق اكىمدىكتەرگە «دامۋ بالا» باعدارلاماسى بويىنشا مەملەكەتتىك شىعارماشىلىق جانە سپورتتىق تاپسىرىستى ىسكە اسىرۋ تاپسىرىلدى. اۋەزوۆ اۋدانىنا 2023 جىلى 13 مىڭ بالانى قامتۋ ءۇشىن 9 ايعا 2,5 ملرد تەڭگە (شىعارماشىلىق تاپسىرىس – 1,2 ملرد تەڭگە، سپورتتىق تاپسىرىس – 1,3 ملرد تەڭگە) ءبولىندى. سونىمەن قاتار، 2023 جىلى بيۋدجەت قاراجاتىن ۇنەمدەۋدى يگەرۋ ماقساتىندا 5 مىڭ بالاعا ۆاۋچەر بەرىلدى. 2023 جىلدىڭ سوڭىندا 18 مىڭ بەلسەندى ۆاۋچەر بولدى، وسىعان بايلانىستى بالالاردى «دامۋ بالا» باعدارلاماسىمەن قامتۋ ءۇشىن 2024 جىلى 4,8 ملرد تەڭگەگە بيۋدجەتتىك ءوتىنىم بەرىلدى، ونىڭ ىشىندە 13 مىڭ بالاعا 3,1 ملرد تەڭگەگە قولداۋ كورسەتىلدى.

Abai.kz