قارجى نارىعىن رەتتەۋ اگەنتتىگىنىڭ قاۋلىسىمەن قازاقستاندا نەسيەلەر مەن ميكروكرەديتتەردىڭ مولشەرىن شەكتەۋ ۇسىنىلدى.

قاۋلى كۇشىنە ەنسە، بۇدان بىلاي ازاماتتار كەپىلسىز 8 ميلليون تەڭگەدەن ارتىق قارىز الا المايدى. بۇل ءتارتىپ ميكروقارجى ۇيىمدارىنا دا قولدانىلماق.

بۇل كۇندەرى قازاقستاندىقتاردىڭ 8,5 ميلليونعا جۋىعى كرەديتكە باتىپ، نەسيەنى نەسيەمەن جاۋىپ ءجۇر.

سول سەبەپتى ەكىنشى دەڭگەيلى بانكتەر كەپىلسىز بەرەتىن قارىز مولشەرىن 8 ميلليون، ال ميكروكرەديتتەردى 4 ميلليون تەڭگەدەن اسىرماۋدى كوزدەپ وتىر.

"2024 جىلعى 19 ماۋسىمىنداعى زاڭىمەن بانكتەر مەن ميكروقارجى ۇيىمدارىنا سوماسى اگەنتتىكتىڭ نورماتيۆتىك-قۇقىقتىق اكتىسىندە بەلگىلەنگەن تالاپتارعا سايكەس كەلمەيتىن تۇتىنۋشىلىق قارىزداردى بەرۋگە تىيىم سالىنادى. ول تۇتاستاي العاندا بورىشتىق جۇكتەمەنىڭ شامادان تىس وسۋىنە جول بەرمەۋگە جانە حالىقتىڭ شامادان ارتىق كرەديت الۋىن تومەندەتۋگە ىقپال ەتپەك. ال حالىقتىڭ بۇل ماسەلەگە قاتىستى پىكىرى ءارتۇرلى. ءبىرى قارىز مولشەرىنىڭ بەلگىلى ءبىر مەجەسى بولعانىن قۇپتاسا، ەندى ءبىرى اركىمنىڭ تاڭداۋ ەركىندىگى ساقتالعانى دۇرىس دەگەن ويدا. جالپى جۇرت شەكتەۋدى نەسيەنىڭ سوماسىنا ەمەس، اۋەلى پايىزىنا قويۋ كەرەك", – دەدى قارجى نارىعىن رەتتەۋ جانە دامىتۋ اگەنتتىگى دەپارتامەنتىنىڭ باس مامانى نۇربول رايىمقۇلوۆ.

ەسكەرە كەتەتىن جايت، قاۋلىنىڭ كەپىلدىك قويۋ ارقىلى راسىمدەلەتىن نەسيەلەرگە قاتىسى جوق. ول پروتسەسس ادەتتەگىدەي ىسكە اسا بەرەدى.

سۋرەت: omskregion.info

Abai.kz