قازاقستان ۇكىمەتى كوكتەمگى سۋ تاسقىنىنان كەيىنگى ينفراقۇرىلىمدىق نىسانداردى قالپىنا كەلتىرۋگە توتەنشە رەزەرۆتەن قوسىمشا 22,7 ملرد تەڭگە ءبولدى. ءتيىستى قاۋلىعا قر پرەمەر-ءمينيسترى ولجاس بەكتەنوۆ قول قويدى. بۇل تۋرالى Abai.kz حابارلايدى.

قاراجات اقمولا، اقتوبە، قوستاناي جانە سولتۇستىك قازاقستان وبلىستارىنداعى جولداردى، سونداي-اق كوپىرلەر مەن سۋ وتكىزگىش قۇرىلىمداردى قالپىنا كەلتىرۋگە، رەكونسترۋكتسيالاۋعا جانە قۇرىلىس جۇمىستارى ءۇشىن اكىمدىكتەرگە بولىنەدى.

بولىنگەن قاراجات جەرگىلىكتى اتقارۋشى ورگاندارعا تۇرعىنداردىڭ قاۋىپسىز قوزعالىسىن قامتاماسىز ەتۋ ءۇشىن سۋ تاسقىنىنان كەيىن بۇلىنگەن جول بولىكتەرىن ۋاقىتىلى قالپىنا كەلتىرۋگە مۇمكىندىك بەرەدى.

سۋرەت: gov.kz

Abai.kz