جەتىسۋ وبلىسىندا  بيۋدجەتتىك 4,5 ملرد تەڭگە جىمقىرعان 21 بۋحگالتەرگە ۇكىم شىقتى. بۇل تۋرالى جەتىسۋ وبلىستىق سوتى حابارلادى.

تالدىقورعان قالاسى ءبىلىم ءبولىمىنىڭ جانە مەكتەپتەرىنىڭ 21 بۋحگالتەرىنە قاتىستى قىلمىستىق ءىس قارالدى.

«3 جىل بويى تالدىقورعان ءبىلىم ءبولىمىنىڭ باس بۋحگالتەرى س. ارىپتەستەرىنەن قۇرالعان (7 – ءبىلىم ءبولىمى جانە 14 – ورتا مەكتەپ) قىلمىستىق توپ ۇيىمداستىرعان. ونىڭ باسشىلىعىمەن ۇيىمداسقان توپ الدىن الا ءسوز بايلاسۋ ارقىلى جالعان جۇمىسكەرلەرگە جانە مەكتەپ قىزمەتكەرلەرىنە بەلگىلەنگەن لاۋازىمدىق جالاقىلارىنان تىس جالاقى ەسەپتەۋ ارقىلى 4,5 ملرد تەڭگەدەن استام بيۋدجەت قاراجاتىن جىمقىرعان»، – دەلىنگەن حابارلامادا.

ۇرلانعان قارجىنى سوتتالۋشىلار تۋىستارىنىڭ بانكتىك شوتتارىنا اۋدارىپ، سودان كەيىن قىلمىستىق رولدەرگە سايكەس ءوز ارالارىندا بولگەن. اتالعان قاراجاتقا جىلجىمايتىن مۇلىك، جەر ۋچاسكەلەرىن، اۆتوموبيلدەر، زەرگەرلىك بۇيىمدار جانە ت. ب. ساتىپ العان.

سوتتالۋشىلاردىڭ كىناسى ولاردىڭ ايعاقتارىمەن، سونداي-اق كۋاگەرلەرمەن، مامانداردىڭ جانە سوت ساراپتامالارىنىڭ قورىتىندىلارىمەن، قىلمىستىق ءىستىڭ باسقا دا ماتەريالدارىمەن راستالادى.

سوتتالۋشىلار كىنالارىن تەك جىمقىرۋ بولىگىندە مويىندادى (قك 189-بابىنىڭ 4-بولىگى 1), 2) تارماقتارى), قالعان بولىگىندە ولاردى اقتاۋدى سۇرادى.

سوت قىلمىستىق قۇقىق بۇزۋشىلىقتاردىڭ سيپاتى مەن قوعامدىق قاۋىپتىلىك دارەجەسىن، سوتتالۋشىلاردىڭ جەكە باسىن ەسكەرە وتىرىپ، ولاردى كىنالى دەپ تانىپ، ۇكىم شىعاردى:

– قىلمىستىق ءىستىڭ باس فيگۋرانتتارى س.، م.، ن. 12 جىلدان 15 جىلعا دەيىن باس بوستاندىعىنان ايىرىلدى.

15 سوتتالۋشى 7 جىلدان 11 جىلعا دەيىن باس بوستاندىعىنان ايىرىلدى.

2 سوتتالۋشى كەلتىرىلگەن زالالدى تولىق وتەۋىنە بايلانىستى قك-ءتىڭ 189-بابىنىڭ 4-بولىگى 2) تارماقشاسى بويىنشا شارتتى تۇردە 7 جىلعا باس بوستاندىعىنان ايىرىلدى.

ءبىر بۋحگالتەرگە قاتىستى قىلمىستىق ءىس ونىڭ قايتىس بولۋىنا بايلانىستى اقتالمايتىن نەگىزدەر بويىنشا توقتاتىلدى.

سوتتالعانداردىڭ 3 ملرد تەڭگەدەن استام اقشالاي قاراجاتى، زەرگەرلىك بۇيىمدارى، جىلجىمايتىن جانە جىلجىمالى مۇلكى تاركىلەندى.

سوت ۇكىمى زاڭدى كۇشىنە ەنگەن جوق.

Abai.kz