وقۋ-اعارتۋ مينيسترلىگى ءبىلىم بەرۋ قىزمەتىنىڭ تاعى ءبىر ءتۇرى eGov.kz پورتالىنا شىعارىلعانىن حابارلادى.

ەندى تالاپكەرلەر كوللەدجگە ءتۇسۋ ءۇشىن قۇجاتتارىن eGov.kz پورتالى ارقىلى تاپسىرا الادى. قۇجاتتار قابىلداۋ 25 تامىزعا دەيىن جالعاسادى.

"قۇجات تاپسىرۋ كەزىندە پورتالدى قولدانۋشى وقۋ ءتىلىن ءجان ءوڭىردى تاڭداي الادى. پورتالدا اۆتوماتتى تۇردە ابيتۋريەنتتىڭ ءبىلىمى، باعالارى جانە ونىڭ سەرتيفيكاتىنىڭ جالپى باعاسى تۋرالى اقپارات شىعارىلادى. ازاماتتاردىڭ جەڭىلدىگى بار جەكەلەگەن ساناتتارى ءۇشىن ء(ى جانە ءىى توپتاعى مۇگەدەكتىگى بار ادامدار، جەتىم بالالار، اتا-اناسىنىڭ قاراۋىنسىز قالعان بالالار، جانە تاعى باسقا) جۇيە ونىڭ مارتەبەسى تۋرالى قوسىمشا اقپاراتتى كورسەتەدى", – دەلىنگەن حابارلامادا.

ايتا كەتەيىك، ءبىر ابيتۋريەنت ءتورت كوللەدجدە ءتورت ءتۇرلى ماماندىقتى تاڭداي وتىرىپ ءبىر عانا ءوتىنىم بەرە الادى.

تالاپكەر ءوتىنىمدى بەرۋ ءۇشىن eGov.kz پورتالىنا كىرىپ، ء"بىلىم" بولىمىندەگى "كوللەدجدەر" ساناتىن تاڭداۋعا ءتيىس. مۇنداعى كورسەتىلگەن بارلىق كەستەنى تولتىرىپ، فايلدى جۇكتەيدى جانە ەتسق ارقىلى قول قويادى.

 Abai.kz