ەل بولىپ قالۋ ءۇشىن شەشىلۋى ءتيىس ەكى ماسەلە بار...
![](https://abai.kz/content/uploads/2024/07/452633551_3584861858326066_5342205711916729744_n.jpg)
تاۋەلسىز مەملەكەتىمىزدىڭ سۇرقيا ساياساتى كەڭەس وكىمەتىنىڭ دە قولى بارماعان سۇمدىققا بارىپ، از قازاقتى «ورالماندار» جانە باسقالار ەتىپ، بىرىنە ءبىرىن قارسى قويىپ، رەسمي تۇردە ەكىگە ءبولىپ تاستادى. مارحابات، مىنە، ۋدان دا اششى اقيقات ءسوز:
ورالماندار تۋرالى وي
ورالماندار، ورالعاندار،
اپپاق نۇردان جارالعاندار.
جازىقسىزدان – اتىلعاندار،
جاپا شەگىپ – قامالعاندار.
شىلدەي توزىپ، جەر اۋعاندار،
ەزى قالىپ، ەرى اۋعاندار.
ىبىلىستەن، سايتانداردان –
اتى ۇركىپ، تەڭى اۋعاندار.
ءولدىڭ-ءجىتتىڭ، از-اق قالدىڭ،
جاتقا ءسىڭىپ، ازاپتاندىڭ.
سوندا-داعى ساقتاي ءبىلدڭىڭ،
قازاقتىعىن قازاقتاردىڭ!
...ءتىلدى ۇمىتتىق – دوزاق باردىق،
شوقىنۋعا از-اق قالدىق.
ءوزىمىزدى جۇندەي ءتۇتىپ،
وزگەلەرگە مازاق بولدىق.
ورالىڭدار، سايامىز بار،
«اقتاڭداقتا» - باي اڭىز بار.
كەشىرىممەن قاراڭىزدار،
سىزدەر ءبىزدى، اياڭىزدار...
ءحانبيبى ەسەنقاراقىزى
بۋراحان باۋرىمىزدىڭ كەشە سالعان پوستىن بۇگىن كورىپ، ءبولىسىپ، سوسىن كەشە اقىن ءحانبيبى ەسەنقاراقىزى اپامىزدىڭ مەمسىيلىققا ۇسىنىلعان "ەسسەلەر" دەگەن كىتابىنا ارناعان كەشەگى پوستىمنان اقىننىڭ ولەڭىن ۇسىنىپ وتىرمىن.
اپايدىڭ كىتابىندا: ء""وز ۇيىندە ءوزى تۇل، ءوز ۇيىندە ءوزڭ قۇل!" دەگەن سوزدەر. ورالماندار، شىنىمەن دە ءبىزدى اياڭىزدار: ءبىز باسىنا تاياق تيگەن جىلقىداي، ابدەن جاسىپ قالعان، بۇگىنگى قورقاق قازاقتارمىز. بۇرىنعى جالىنا قول تيگىزبەس اساۋ قازاق جوق!
ءبىزدىڭ ەلدىڭ الدىندا بار بولىپ قالۋ ءۇشىن، بورداي بولىپ توزباس ءۇشىن ەڭ الدىمەن ىستەلۋى، شەشىلۋى ءتيىس، ەڭ كۇيىپ تۇرعان ەكى ماسەلە بار: 1.جەمقورلىقتى جويۋ. 2.شەتتەگى قازاقتى اكەلۋ...
(سۋرەتتە: "ورالمان" فيلمىندەگى قازاق جەرىن ءسۇيىپ جاتقان قاريا. اەروپورتتا تۇسىرىلگەن ايگىلى فوتونى ينتەرنەتتەن تاپپادىم. تاپقانىڭىز سالا سالىڭىزشى...)
ومىرزاق اقجىگىتتىڭ جازباسى
Abai.kz