باسەكەلەستىكتى قورعاۋ جانە دامىتۋ اگەنتتىگى مۇناي ەكسپورتىنىڭ تاۋارلىق نارىعى تۋرالى قورىتىندى جاريالادى. ولار ماگيسترالدى قۇبىر جەلىلەرىنىڭ ءۇش مەنشىك يەسى دە قىتاي مەن ىشكى نارىققا مۇناي ونىمدەرىن ءتۇرلى كولەمدە جەتكىزەدى نەمەسە تاسىمالداۋدى جۇزەگە اسىرادى. ۇشەۋىنىڭ ىشىندە تەك «قازترانسويل» عانا ەۋروپاعا مۇنايدى تىكەلەي جەتكىزەدى. ولاردىڭ قۇبىر جەلىسى قازاقستانداعى ەڭ ۇزىن قۇبىر سانالادى – 5 372 شاقىرىم. ول قازاقستانداعى مۇناي وڭدەۋ زاۋىتتارىن ءبىر-بىرىمەن جالعايدى. وزەن-اتىراۋ-سامارا باعىتىندا سوزىلىپ جاتىر جانە اقتاۋ ايلاعىنا دەيىن جەتىپ، كاسپي قۇبىر جەلىسى جۇيەسىمەن جانە اتاسۋ-الاشانكوۋ قۇبىر جەلىسىمەن جالعاسادى.

«قازترانسويل» اق – ۇلتتىق وپەراتور، سونىمەن قاتار «قازاقستان-قىتاي قۇبىر جەلىسى» جشس جانە «مۇنايتاس» سولتۇستىك-باتىس قۇبىر جەلىسى» جشس، «كاسپي قۇبىر جەلىسى كونسورتسيۋمى-ك» اق ماگيسترالدى مۇناي جەلىسى كومپانيالارىنا پايدالانۋ جانە تەحنيكالىق قىزمەت كورسەتەدى.

قازاقستان-قىتاي قۇبىر جەلىسى اتاسۋ-الاشانكوۋ جانە كەڭقياق-قۇمكول مۇناي قۇبىرلارىنا يەلىك ەتەدى. ولاردىڭ جالپى ۇزىندىعى 1 759 شاقىرىمدى قۇرايدى. ول قازاقستان مەن رەسەي مۇنايىن قىتايعا نەگىزگى جەتكىزۋشى سانالادى.

«مۇنايتاس» سولتۇستىك-باتىس قۇبىر جەلىسى» جشس باتىس قازاقستان مۇنايىنىڭ مۇناي وڭدەۋ زاۋىتتارىنا جەتكىزىلۋىن قامتاماسىز ەتەدى جانە كەڭقياق-اتىراۋ مۇناي قۇبىرىنىڭ كەرى قيمىل جوباسىنىڭ ارقاسىندا اقتوبە جانە قىزىلوردا وبلىستارىندا مۇناي ءوندىرۋدىڭ تومەندەۋىنىڭ اسەرىن بەيتاراپتاندىرادى. جالپى ۇزىندىعى – 449 شاقىرىم.

ايتا كەتەرلىگى، قازاقستان «كاسپي قۇبىر كونسورتسيۋمى» (كقك) حالىقارالىق مۇناي تاسىمالداۋ جوباسىنىڭ دا قاتىسۋشىسى سانالادى. ونىڭ ۇزىندىعى 1510 شاقىرىم (452 شاقىرىمى قازاقستان بولىگى). مۇناي قۇبىرى قازاقستاننىڭ تەڭىز مۇناي كەن ورنىن قارا تەڭىزدەگى وڭتۇستىك وزەرەەۆكا مۇناي تەرمينالىمەن بايلانىستىرادى.

كقك اكتسيونەرلەرى:

* «ترانسنەفت» جاق اتىنان مەملەكەتتىك مۇلىكتى باسقارۋ فەدەرالدى اگەنتتىگى (سەنىمدى باسقارۋ) – 24%،

* «كتك كومپاني» – 7%،

* «قازمۇنايگاز» ۇك اق – 19%،

* Kazakhstan Pipeline Ventures LLC – 1,75%،

* Chevron Caspian Pipeline Consortium Company – 15%،

* LUKARCO B.V. – 12,5%،

* Mobil Caspian Pipeline Company – 7,5%،

* Rosneft-Shell Caspian Ventures Limited – 7,5%،

* BG Overseas Holdings Limited – 2%،

* Eni International N.A. ن.ۆ. س.ار.ل. – 2%،

* Oryx Caspian Pipeline LLC – 1,75%.

ايتا كەتەيىك، «قازترانسويل» اق-نىڭ ماگيسترالدى قۇبىر جەلىسى ارقىلى ىشكى نارىقتا 1 000 شاقىرىمعا مۇناي تاسىمالداۋ ءتاريفى تونناسىنا 4 355 تەڭگە، قازاقستان رەسپۋبليكاسىنان تىسقارى جەرلەرگە ەكسپورتقا مۇناي تاسىمالداۋ تونناسىنا 10 150 تەڭگە، رەسەي مۇنايىن مۇناي قۇبىرى ارقىلى تاسىمالداۋ ءتاريفى قازاقستان رەسپۋبليكاسىنىڭ قىتايعا دەيىنگى اۋماعى ارقىلى تونناسىنا 4,23 دوللار.

Abai.kz