وتكەن اپتادان بەرى يراك پارلامەنتىنە قىزداردىڭ نەكە جاسىن 15-تەن 9-عا دەيىن ءتۇسىرۋ ۋرالى زاڭجوباسى كەلىپ تۇسكەنى الەم نازارىن اۋداردى.

بالالار قۇقىعىمەن اينالىساتىن كوپتەگەن ەلدەر ۇلكەن الاڭداۋشىلىق تانىتۋدا.

بۇل قاۋىپتى ءۇردىس. بىزدە دە بىرنەشە ايەلى بار ءھام شاريعاتپەن ءومىر ءسۇرۋدى اڭساپ جۇرگەن جاماعات بۇل اقپاراتقا ەكى سانىن شاپالاقتاپ، الاقان ىسقىلاپ قۋانۋدا.

يراك نەكە جاسىن 9-عا تۇسىرمەك، اباي بەگەي 16 جاستاعى قىزىن ۇزاتقان.

الەۋمەتتىك جەلىدە يراك ارەكەتىن قولداي جازىپ، شاريعات تالابى دۇرىس دەپ قۇتىنداپ پىكىر جازعاندارى قورقىنىشتى.

يراك بىلاي تۇرسىن، بىزدە دە 16 جاستان باستاپ قىز ۇزاتۋ جارناماسى جاسالا باستاعان سياقتى. اباي بەگەي دەگەن بىرەۋدىڭ كامەلەتتىك جاسقا تولماعان قىزىن تۇرمىسقا بەرگەنى جالپاق جۇرتقا جاريا بولۋدا.

قازاقستاننىڭ زاڭى بويىنشا نەكەگە تۇرۋعا 18 جاستان رۇقسات ەتىلەدى. تەك جۇكتى بولىپ، اكە-شەشەسى ارنايى ورگانداردان رۇقسات السا عانا زاڭدى مۇمكىندىك بەرىلەدى.

ارنايى ورگاندار بۇل ماسەلەنى قاراۋ كەرەك. اسىرەسە، راديكالدى ءدىني اعىمداردا كامەلەتتىك جاسقا تولماعاندارمەن استىرتىن نەكە قيدىرىپ، زاڭدى نەكەگە وتىرمايتىندار دا بار. ولاردىڭ تالاق ەتە سالۋى ءتىپتى وڭاي..

ءبىر عانا مىسال، قۋاندىق بيشىمباەۆتىڭ مەشىتكە بارىپ، نەكە قيدىرىپ، تالاق ەتىپ، قايتا قيدىرعانى سەكىلدى…

ەرجان تولەكتىڭ جەلىدەگى جازباسى

Abai.kz