جيىندا ۇلتتىق قۇرامانىڭ، سپورت كەشەندەردىڭ، قوناق ۇيلەر مەن مادەنيەت ورىندارىنىڭ دايىندىق بارىسى، سونداي-اق قوعامدىق كولىك، قاۋىپسىزدىك جانە تازالىق ماسەلەلەرى پىسىقتالدى.

مەملەكەت باسشىسى كوشپەندىلەر ويىندارى ۇلتتىق سپورت تۇرلەرى بويىنشا وتكىزىلەتىن الەمدەگى ەڭ ءىرى جارىس ەكەنىن اتاپ ءوتىپ، ونى جوعارى دەڭگەيدە ۇيىمداستىرۋ، حالقىمىزدىڭ تەرەڭ تاريحى مەن مادەنيەتىن، قوناقجايلىلىعىن كورسەتۋ، مەيماندار مەن سپورتشىلارعا قاجەتتى جاعداي جاساۋ ماڭىزدى ەكەنىنە نازار اۋداردى.

كەڭەستە پرەمەر-ءمينيستردىڭ ءبىرىنشى ورىنباسارى رومان سكليار، پرەمەر-ءمينيستردىڭ ورىنباسارى – سىرتقى ىستەر ءمينيسترى مۇرات نۇرتىلەۋ، تۋريزم جانە سپورت ءمينيسترى ەربول مىرزابوسىنوۆ، استانا قالاسىنىڭ اكىمى جەڭىس قاسىمبەك، مادەنيەت جانە اقپارات ءمينيسترى ايدا بالاەۆا، ىشكى ىستەر ءمينيسترى ەرجان سادەنوۆ، دەنساۋلىق ساقتاۋ ءمينيسترى اقمارال ءالنازاروۆا بايانداما جاسادى.

Abai.kz