الماتىدا "جالدامالى" الاياقتار قۇرىقتالدى
الماتىدا "كيبەرپول" قىزمەتكەرلەرى جالدامالى الاياقتاردى ۇستادى، دەپ حابارلايدى Polisia.kz.
انىقتالعانداي، ەكى جاس جىگىت الاياقتاردىڭ قىلمىستىق جولمەن تاپقان اقشاسىن قولما-قول اقشاعا اينالدىرۋعا كومەكتەسكەن.
اقشالاي سىياقى ءۇشىن ولار وزدەرىنىڭ بانك كارتالارىن جانە جەكە ءموبيلدى بانك شوتتارىن قاسكويلەرگە بەرگەن.
"جابىرلەنۋشىلەردىڭ ءبىرى الاياقتىق جولمەن 20 ميلليون تەڭگەنى جوعالتىپ العان. جوعارىدا اتالعان كۇدىكتىلەردىڭ كارتوچكالارى ارقىلى الاياقتار اقشاعا اينالدىرعان. اتالعان دەرەك بويىنشا قىلمىستىق ءىس تەرگەلىپ جاتىر. ەڭ الدىمەن جالدامالى الاياقتار انىقتالدى جانە ۇستالدى. ولار قاماۋعا الىندى. الاياقتىققا قاتىسقانى ءۇشىن 5 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جاۋاپكەرشىلىك قاراستىرىلعانىن اتاپ وتكىم كەلەدى", – دەدى، الماتى قالالىق پد كريمينالدىق پوليتسيا باسقارماسىنىڭ باستىعى ماقسات قاناپياەۆ.
Abai.kz
