الماتىدا مەكتەپ اسحانالارىندا تاماقتانۋ ساپاسىن باقىلاۋدى كۇشەيتۋ ءۇشىن مونيتورينگتىك كوميسسيا قۇرىلادى.

الماتى اكىمىنىڭ ورىنباسارى اسەم ءنۇسىپوۆا مەكتەپتە تاماقتاندىرۋدى ۇيىمداستىرۋ جونىندەگى كەڭەس بارىسىندا حابارلاعانداي، بۇگىن ىستىق تاماقتاندىرۋدى ۇيىمداستىرۋ جانە سانيتارلىق-ەپيدەميولوگيالىق تالاپتاردى ساقتاۋ بويىنشا مونيتورينگتىك توپ قۇرۋ تۋرالى بۇيرىق بەكىتىلۋدە.

سۋرەت الماتى قالاسى اكىمدىگىنىڭ ءباسپاسوز قىزمەتىنەن الىندى.

كوميسسيا جۇمىسىن قالالىق مەكتەپتەردە تاماقتانۋ ساپاسىن باقىلاۋ ءۇشىن قالا اكىمىنىڭ وكىمى بويىنشا قۇرىلعان ۆەدومستۆوارالىق ساراپتاما توبى (ۆست) ورىندايتىن بولادى. ونىڭ قۇرامىنا قالا باسشىسىنىڭ ورىنباسارى، ءماسليحات دەپۋتاتتارى، قوعامدىق كەڭەس مۇشەلەرى، قالانىڭ سانيتارلىق-ەپيدەميولوگيالىق باقىلاۋ وكىلدەرى، مەديتسينا قىزمەتكەرلەرى، مەكتەپ اكىمشىلىگى جانە اتا-انالار قوعامىنىڭ وكىلدەرى (قامقورشىلىق كەڭەس) كىرەدى. كوميسسيانىڭ ارالىق قورىتىندىلارى اعىمداعى جىلدىڭ 15 قىركۇيەگىنە دەيىن، قورىتىندىلارى – بيىلعى جىلدىڭ 25 قىركۇيەگىنە دەيىن شىعارىلادى.

سۋرەت الماتى قالاسى اكىمدىگىنىڭ ءباسپاسوز قىزمەتىنەن الىندى.

«بيىلعى وقۋ جىلىندا مەكتەپ اسحانالارىندا جاڭا ءمازىر ازىرلەندى، وعان سايكەس وقۋشىلاردىڭ تاماقتانۋى باقىلانادى. سونداي-اق، وقۋشىلاردىڭ تاماقتانۋىنا قاۋىپسىز جاعداي جاساۋ ءۇشىن بارلىق تاراپتاردىڭ بەلسەندى ءوزارا ءىس-قيمىلى قاجەت. ايتا كەتۋ كەرەك، بۇل كوميسسيا بالالارىمىزدىڭ قاۋىپسىزدىگىن قامتاماسىز ەتۋ ماقساتىندا تاماقتانۋ مونيتورينگىنە باعىتتالعان»، - دەدى قالا اكىمىنىڭ ورىنباسارى.

سونىمەن قاتار، قالالىق سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى الپىسبايۇلى قاسىمحان جوسپاردان تىس تەكسەرۋلەردىڭ ناتيجەلەرىن ايتتى، ولار حالىقتىڭ سانيتاريالىق سالاماتتىلىعى سالاسىنداعى نورماتيۆتىك قۇجاتتاردىڭ بۇزىلۋ فاكتىلەرى جانە بالالاردىڭ دەنساۋلىعىنا تونەتىن قاتەر بويىنشا دالەلدى ماتەريالدار ۇسىنىلعان جاعدايدا عانا جۇرگىزىلدى.

سۋرەت الماتى قالاسى اكىمدىگىنىڭ ءباسپاسوز قىزمەتىنەن الىندى.

«الماتىدا 328 مەكتەپ باقىلاۋعا الىنعان، ونىڭ ىشىندە 322-سىندە ىستىق تاماق ۇيىمداستىرىلعان، قالعاندارىندا بۋفەت جۇيەسى جۇمىس ىستەيدى. 215 مەملەكەتتىك مەكتەپتەگى اسحانالار جەكە كاسىپكەرلەرگە جالعا بەرىلدى. بۇگىنگى تاڭدا ءبىلىم باسقارماسىنىڭ مالىمەتىنشە، 54 مەكتەپتىڭ اسحانالارىن جالعا الۋشىلار اۋىستىرىلدى. ايتا كەتۋ كەرەك، جالعا الۋشىلار وبەكتىنىڭ سانيتاريالىق قاعيدالار تالاپتارىنا سايكەستىگى تۋرالى سانيتاريالىق-ەپيدەميولوگيالىق قورىتىندىنى ۋاقتىلى الۋى ءتيىس»، - دەپ اتاپ ءوتتى الپىسبايۇلى قاسىمحان.

سونىمەن قاتار، كەڭەس بارىسىندا قازاق تاماقتانۋ اكادەمياسىنىڭ مەكتەپتەگى تاماقتانۋ جونىندەگى مامانى ۆەرونيكا ۋليۆانوۆا ءسوز سويلەدى. ساراپشى اتاپ وتكەندەي، بۇگىندە ماماندار ىقتيمال بۇزۋشىلىقتاردى انىقتاۋ ءۇشىن مەكتەپ اسحانالارىندا ازىق-تۇلىك قاۋىپسىزدىگىن باعالاۋ، سونداي-اق ۇسىنىستار ازىرلەۋ مۇمكىندىگىن ۇسىنادى.

«ءبىز مەكتەپ اسحانالارىنىڭ وندىرىستىك ءۇي-جايلارىنىڭ جاي-كۇيىن سانيتارلىق-گيگيەنالىق نورمالارعا سايكەستىگىنە باعالاۋدى، تاماق ونىمدەرىنە ميكروبيولوگيالىق زەرتتەۋلەر جۇرگىزۋدى ۇسىنامىز. سونداي-اق، بالالاردىڭ ديەتاسىندا ءسۇت پەن اشىتىلعان ءسۇت ونىمدەرىن قولدانۋمەن جانە ەنەرگەتيكالىق قۇندىلىقتاردى ەسكەرۋمەن ۇتىمدىلىق پەن تەپە-تەڭدىكتى قولدانۋدىڭ ماڭىزدىلىعىن اتاپ وتكەن ءجون. ول ءۇشىن قالانىڭ 3 مەكتەبىندە بۋفەت ءونىمى بار پيلوتتىق باعىت اياسىندا اشىتىلعان ءسۇت ونىمدەرى، ەت ونىمدەرى، جەمىستەر مەن شىرىندار قوسىلعان بۋتەربرودتار مەن ورامدارى بار تۇسكى اس پاكەتتەرىن ىسكە قوسۋ جوسپارلانۋدا»، - دەدى ۆەرونيكا ۋليۆانوۆا.

الماتىدا بارلىعى 133 مىڭنان استام ءبىلىم الۋشى نەمەسە ورتا ءبىلىم بەرۋ ۇيىمدارىنىڭ جالپى كونتينگەنتىنىڭ 45,3% - ى تەگىن تاماقپەن قامتاماسىز ەتىلگەن. بۇل - حالىقتىڭ الەۋمەتتىك وسال توپتارىنىڭ 1-4 جانە 5-11 سىنىپ وقۋشىلارى.

Abai.kz