وزبەكستان مەن رەسەي ەنەرگەتيكا مينيسترلىكتەرى رەسەيلىك "جۇيە وپەراتورىن" ورتالىق ازيانىڭ ەنەرگيا جۇيەسىنە قوسۋعا كەلىستى

بۇل تۋرالى رەسەي ەنەرگەتيكا ءمينيسترى سەرگەي تسيۆيلەۆ رەسەي پرەمەر-ءمينيسترىنىڭ وزبەكستانعا ساپارىندا جاسالعان كەلىسسوزدەر قورىتىندىسىن ايتقاندا مالىمدەدى دەپ جازدى تاسس اگەنتتىگىنە سىلتەمە جاساپ اzattyq.org.

"ورتالىق ازيانىڭ جەكە ەنەرگيا جۇيەسى بار، ءبىز وعان ازىرگە كىرمەيمىز. بىراق ["جۇيە وپەراتورى"] ورتالىق ازيانىڭ بىرىڭعاي ەنەرگيا جۇيەسىن بىرگە باسقارۋ ءۇشىن وعان كىرۋى كەرەك، ءبىز ءبىر-بىرىمىزبەن بايلانىستىمىز. وزبەك تاراپى مۇنى قولداپ وتىر. مۇنى جاقىن ارادا ىستەيمىز" دەدى رەسەي ەنەرگەتيكا ءمينيسترى.

بۇعان دەيىن رەسەي ەنەرگياسىن ەكسپورتتاپ-يمپورتتايتىن نەگىزگى وپەراتور "ينتەر راو" كومپانياسى وزبەكستانعا ەلەكتر ەنەرگياسىن ەكسپورتتاۋ مۇمكىندىگىن پىسىقتاپ جاتىر دەگەن. ول كۇزدە باستالۋى مۇمكىن.

Abai.kz