ەلىمىزدەگى لگبت بەلسەندىلەرى اەس قۇرىلىسىنا قارسىلىقتارىن ءبىلدىرىپ، ارنايى جيىن وتكىزىپ ءجۇر. بۇل تۋرالى Abai.kz اقپاراتتىق پورتالى حابارلايدى. 

قىركۇيەكتىڭ 7-ءسى كۇنى الماتىداعى «الما» قوناق ءۇي كەشەنىندە «فەمينيتا اتوم ەلەكتر ستانتسياسىنىڭ قۇرىلىسىنا قارسى» اتتى ءىس-شارا وتكەن.

وعان 10 ادام، ونىڭ ىشىندە «فەمينيتا» قوزعالىسىنىڭ جەتەكشىلەرى ج.سەكەرباەۆا مەن گ.سەرجان، لگبت بەلسەندىسى گ.وتەباەۆا، ەكولوگتار ك.اتاحانوۆا مەن گ.كاكىمجانوۆا، لگبت قاۋىمداستىعىنىڭ وكىلدەرى قاتىسقان.

سۋرەت الەۋمەتتىك جەلى سكرينى.

«فەمينيتا» قوزعالىسى دەگەن قانداي قوزعالىس؟

«فەمينيتا» قوزعالىسى – قازاقستانداعى لگبت وكىلدەرىنىڭ قۇقىقتارىن قورعاۋمەن كورىنىپ جۇرگەن توپ.

وسىعان دەيىن قازاق قوعامى: «ۇلتتىق قۇندىلىقتارعا قايشى»، - دەپ دابىل قاعىپ، لگبت ناسيحاتىنا قارسى ارنايى پەتيتسيا جاريالاعان. اتالعان پەتيتسيانى ونداعان مىڭ ادام قولداپ داۋىس بەرگەن.

الايدا، ءدال وسى «فەمينيتا» قوزعالىسى اتالعان پەتيتسياعا ورە-تۇرەگەلە قارسى شىعىپ، ارنايى كوميسسيانىڭ تالقىسىندا پەتيتسيانىڭ ماقۇلدانۋىنا توسقاۋىل بولعان. ەندى اتالعان قوزعالىستىڭ بەلسەندى وكىلدەرى اەس قۇرىلىسىنا قارسى باستاما كوتەرىپ، جيىن وتكىزىپتى.

Abai.kz