سوتتا كورپوراتسيا وكىلى تاعىلعان اكىمشىلىك قۇقىق بۇزۋشىلىق بويىنشا كىناسىن مويىندامادى. بىراق وعان قارسى بۇلتارتپاس دالەلدەر ۇسىنىلدى. وسىلايشا «YDD Corporation» كومپانياسى قۇتقارۋشىلاردى 40 مينۋت بويى زاۋىتقا كىرگىزبەگەنى ءۇشىن كىنالى دەپ تانىلدى.

“200 ايلىق ەسەپتىك كورسەتكىش مولشەرىندە اكىمشىلىك ايىپپۇل تۇرىندەگى جازا تاعايىندالدى”، – دەپ حابارلادى قاراعاندى قالاسىنىڭ اكىمشىلىك قۇقىقبۇزۋشىلىقتار جونىندەگى مامانداندىرىلعان اۋدانارالىق سوتىنىڭ ءباسپاسوز قىزمەتى.

سوت قاۋلىسى زاڭدى كۇشىنە ەنگەن جوق.

ەسكە سالايىق، 2024 جىلدىڭ 20 شىلدەسىندە YDD كورپوراتسياسىنىڭ فەرروقورىتپا زاۋىتىندا ءورت شىعىپ، 8 جۇمىسشى زارداپ شەكتى، ولاردىڭ 4-ەۋى كەيىن العان جاراقاتتارىنان قايتىس بولدى.

Abai.kz