سۋ تاسقىنى كەزەڭىنە دايىندىق جونىندەگى پرەزيدەنت تاپسىرمالارىن ىسكە اسىرۋ شەڭبەرىندە ۇكىمەت رەزەرۆىنەن باتيمەتريالىق زەرتتەۋلەر جۇرگىزۋگە شامامەن 576 ملن تەڭگە ءبولىندى. ءتيىستى قاۋلىعا قر پرەمەر-ءمينيسترى ولجاس بەكتەنوۆ قول قويدى.  

✔️ بولىنگەن قاراجات سۋ رەسۋرستارى جانە يرريگاتسيا مينيسترلىگىنە ارنالعان. قارجىلاندىرۋدىڭ نەگىزگى بولىگى جابدىقتار مەن تەحنيكالىق جاراقتاردى ساتىپ الۋعا، سونداي-اق زەرتتەۋلەر جۇرگىزۋ جونىندەگى قىزمەتتەرگە باعىتتالاتىن بولادى. اتاپ ايتقاندا، قاراجاتتى «قازسۋشار» شجق رمك «سۋ مەترولوگيا» فيليالىنا تىكەلەي ەلىمىزدىڭ سولتۇستىك، باتىس جانە ورتالىق وڭىرلەرىنىڭ سۋ تاسقىنى قاۋپى بار ۋچاسكەلەرىنە باتيمەتريالىق ءتۇسىرىلىم جۇرگىزۋگە باعىتتاۋ جوسپارلانۋدا.

✔️ رەسپۋبليكالىق ماڭىزى بار سۋ قويمالارىنا باتيمەتريالىق زەرتتەۋ جۇرگىزۋدى قوسا العاندا، جۇمىستار 2025 جىلى جالعاسادى. الىنعان دەرەكتەر قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مەن «قازاقستان عارىش ساپارى» ۇك» اق-عا سۋ تاسقىنىن بولجاۋ جانە مودەلدەۋ اقپاراتتىق جۇيەسىنە ەنگىزۋ ءۇشىن بەرىلەتىن بولادى.

Abai.kz