اعىمداعى جىلدىڭ 10 قىركۇيەگىندە № 2 تاراز قالالىق سوتىنىڭ ۇكىمىمەن «جامبىل وبلىسى بويىنشا تجم اپاتتار مەديتسيناسى ورتالىعى» مم فيليالى باسشىسىنىڭ م.ۋ.ا. ا.و. ماحاشەۆا جانە وسى فيليالدىڭ كادرلار جونىندەگى ينسپەكتورى ل.ت. قالمۇراتوۆا سوتتالدى.

ولار فەلدشەر رەتىندە جۇمىسقا ورنالاستىرۋ ءۇشىن جەكە تۇلعادان ايتارلىقتاي مولشەردە پارا العانى ءۇشىن كىنالى دەپ تانىلدى.

ولارعا مەملەكەتتىك قىزمەتتە جانە كۆازيمەملەكەتتىك سەكتوردا ءومىر بويى قىزمەت اتقارۋ قۇقىعىنان ايىرا وتىرىپ، تيىسىنشە 4 جانە 3,6 جىل باس بوستاندىعىنان ايىرۋ تۇرىندەگى جازا تاعايىندالدى.

قىلمىستىق كودەكستىڭ 74-بابىنىڭ 1-بولىگى نەگىزىندە جازانى وتەۋ مەرزىمى كامەلەتكە تولماعان بالالاردىڭ بولۋىنا بايلانىستى 4 جىلعا كەيىنگە قالدىرىلدى.

كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ارقايسىسى كىناسىز دەپ ەسەپتەلەدى.

سوت ۇكىمى زاڭدى كۇشىنە ەنگەن جوق.

Abai.kz