الماتى: باراحولكا بازارىنان تاعى دا ءورت شىقتى
الماتىدا “باراحولكا” بازارىنىڭ جەتىسۋ اۋدانى اۋماعىندا ورنالاسقان بولىگىندە ءورت شىقتى. قالالىق تجد مالىمەتىنە سايكەس، ءورت سوندىرۋشىلەر 13:26-دا جالىنمەن كۇرەسۋگە كىرىسكەن. ال 13-50-دە ءورت وقشاۋلانعان.
توتەنشە جاعدايلار دەپارتامەنتىنىڭ تەحنيكاسى ءورت بولعان اۋماققا بىردەن جەتە الماعان. سەبەبى بازار اۋماعىندا رەتسىز قويىلعان كولىكتەر ارنايى تەحنيكاعا كەدەرگى كەلتىردى.
«الماتى قالاسى تجد كۇشتەرى مەن قۇرالدارى جەتىسۋ اۋدانى بازارىنىڭ اۋماعىندا ورىن العان جوعارى دارەجەدەگى شاقىرتۋ بويىنشا ءورت ءسوندىرۋ جۇمىستارىن جۇرگىزدى. ورتكە قارسى وقپاندار ءورت ورنىنا ۇزدىكسىز سۋ بەرىپ، كورشىلەس سالىنعان قويما ءۇي-جايلارىن قورعاۋعا باعىتتالدى. ءورت 13:50-دە وقشاۋلاندى. قويما ءۇي-جايلاردان تاۋار مەن ماتەريالدىق قۇندىلىقتار ەۆاكۋاتسيالاندى. 14:13-تە ءورت تولىعىمەن جويىلدى»، - دەپ حابارلادى تجد ءباسپاسوز قىزمەتى.
Abai.kz
