ەلىمىزدە 137 گيدرولوگيالىق بەكەت سالىنادى
ەلىمىزدە 137 گيدرولوگيالىق بەكەت سالىنادى. بۇل تۋرالى ەكولوگيا جانە تابيعي رەسۋرستار ءمينيسترى ەرلان نىسانباەۆ ءمالىم ەتتى.
«كوكتەمگى سۋ تاسقىنىنىڭ سالدارىن ءبارىڭىز بىلەسىز. ءبىز قازىر قازگيدرومەت رمك دامىتۋ تۋرالى تۇجىرىمداما ازىرلەپ جاتىرمىز. بۇل جەردە ءبىرىنشى ماسەلە گيدرومەتەورولوگيالىق بەكەتتەرگە كەلىپ تىرەلەدى.
قازىر بىزگە 137 گيدرولوگيالىق بەكەت كەرەك، ونىڭ 42-ءسى سۋ رەسۋرستارى جانە يرريگاتسيا مينيسترلىگىنىڭ باعدارلاماسى اياسىندا سالىنادى. بۇل تاسقىن كەزىندە سۋ ايدىندارىنداعى ونىڭ مولشەرىن ولشەپ، انىقتاۋعا مۇمكىن بەرەدى. اشىق ايتۋ كەرەك بۇگىندە ەلىمىزدە گيدرولوگيالىق بەكەتتەر جەتىسپەيدى»، - دەدى ەرلان نىسانباەۆ ءماجىلىس وتىرىسىنان كەيىن وتكەن ءباسپاسوز ءماسليحاتىندا.
Abai.kz
