بۇگىن اەس سالۋدى قولداۋ جونىندەگى حالىقتىق شتاب قىزىلوردا قالاسىنا كەلدى. مۇندا انالار قاۋىمىمەن، اقساقالدارمەن، اۋىل تۇرعىندارىمەن جانە ەڭبەك ۇجىمدارىمەن بىرقاتار كەزدەسۋ ءوتتى.

قىزىلوردادا «اناعا تاعزىم» ورتالىعىندا وڭىردەگى انالار قاۋىمىمەن كەزدەسۋ ءوتتى. شتاب مۇشەلەرى اتاپ وتكەندەي، مەملەكەت باسشىسى قاسىم-جومارت توقاەۆ انا مەن بالانى قولداۋ ماسەلەسىنە ايرىقشا نازار اۋدارادى. جىل سايىن الەۋمەتتىك تولەمدەر سوماسى وسۋدە، «ۇلتتىق قور – بالالارعا» باعدارلاماسى جۇمىس ىستەي باستادى، ال جۋىردا «كەلەشەك» بىرىڭعاي ەرىكتى جيناقتاۋ جۇيەسى ەنگىزىلەدى.

حالىقتىق شتاب مۇشەلەرى انالار قاۋىمىمەن اتوم ەنەرگەتيكاسىن دامىتۋدىڭ زاماناۋي الەمدىك ترەندتەرىن تالقىلادى، ەلىمىزدە بەيبىت اتومدى دامىتۋ باعىتىندا جاسالىپ جاتقان جۇمىس تۋرالى ايتىپ، قاتىسۋشىلاردىڭ سۇراقتارىنا جاۋاپ بەردى. ءار قازاقستاندىقتىڭ الداعى رەفەرەندۋمعا قاتىسۋىنىڭ ماڭىزى ەرەكشە اتاپ ءوتىلدى. بۇل قوعامداعى ديالوگتى نىعايتىپ، ازاماتتاردىڭ ساياسي مادەنيەتىن ارتتىرادى.

Dalatex تىگىن فابريكاسىندا، «تورعاي-پەترولەۋم» مۇناي كومپانياسىنىڭ ءوندىرىس الاڭىندا اەس سالۋدى قولداۋ جونىندەگى حالىقتىق شتاب مۇشەلەرى كاسىپورىنداردىڭ ەڭبەك ۇجىمدارىمەن ونەركاسىپتىك نىسانداردىڭ جۇيەلى جۇمىس ىستەۋى جانە بيزنەستىڭ دامۋى ءۇشىن تۇراقتى ەنەرگيامەن جابدىقتاۋدىڭ ماڭىزىن تالقىلادى.

سونىمەن قاتار، حالىقتىق شتاب سىرداريا اۋدانى اقجارما اۋىلىنا جانە قازاقستان اۋماعىنا كۇرىش وسىرەتىن شارۋاشىلىقتارىمەن تانىمال ناعي ءىلياسوۆ اتىنداعى اۋىلعا باردى. شتاب مۇشەلەرى تۇرعىندارمەن اڭگىمەلەسۋ بارىسىندا اۋىلدىق اۋماقتاردى دامىتۋ پەرسپەكتيۆالارى مەن اۋىل تۇرعىندارىن تولعاندىرعان وزەكتى ماسەلەلەرگە ەگجەي-تەگجەيلى توقتالدى. «اۋىل» پارتياسىنىڭ توراعاسى سەرىك ەگىزباەۆ اۋىل تۇرعىندارىن الداعى رەفەرەندۋمعا بەلسەندى قاتىسۋعا شاقىردى.

«حالىقتىق شتاب مۇشەلەرى وڭىرلەردى ارالاۋ بارىسىندا كوتەرىپ جۇرگەن باستى ماسەلە – الداعى 6 قازاندا وتەتىن رەفەرەندۋم. قازاقستان حالقىنىڭ اتوم ەلەكتر ستانتسياسىن سالۋعا قاتىستى كوزقاراسى – اسا ماڭىزدى. سوندىقتان رەفەرەندۋم وتكىزىلەتىن كۇن تۋرالى شەشىم قابىلدانعان كەزدە قازاقستان رەسپۋبليكاسىنىڭ بارلىق قوعامدىق جانە ساياسي كۇشتەرى بىرىكتى. سەبەبى بۇل – جالپىۇلتتىق ماسەلە. ول قانداي دا ءبىر ساياسي نەمەسە قوعامدىق كوزقاراسقا بولىنبەيدى. ونىڭ ارقايسىمىزعا قاتىسى بار»، – دەدى ول.

Abai.kz