بۇعان دەيىن پوليتسيا وبلىس ورتالىعىنىڭ تۇكپىر-تۇكپىرىندە ەسىرتكى تاراتۋمەن اينالىسقان ەكى ادامدى ۇستاعان بولاتىن. ولاردىڭ ءبىرى دەنە شىنىقتىرۋ فاكۋلتەتىنىڭ 4-ءشى كۋرسىندا وقىعان.

ولاردىڭ جالدامالى پاتەرىن ءتىنتۋ كەزىندە قىزمەتكەرلەر 4 كەلىدەن استام سينتەتيكالىق ەسىرتكى – “ا-PVP” تاركىلەدى. سونىمەن قاتار ەلەكتروندى تارازىلار، 240 ميني-ماگنيتتەر، ەلەكتر تاسپاسى، فولگا جانە ەسىرتكىنى وراۋعا ارنالعان باسقا دا قۇرىلعىلار تابىلدى.

قارا نارىقتا الىنعان پارتيانىڭ قۇنى شامامەن 100 ملن تەڭگەنى قۇرايدى. پوليتسەيلەر اينالىمعا 15 مىڭنان استام دوزانىڭ جىبەرىلۋىنە جول بەرمەدى.

ەسىرتكى زاتتارىن اسا ءىرى مولشەردە تاراتقانى ءۇشىن سوت ۇكىمىمەن ەكى كۇدىكتىگە دە 11 جىلعا باس بوستاندىعىنان ايىرۋ جازاسى تاعايىندالدى. ۇكىم زاڭدى كۇشىنە ەندى.

ايتا كەتەيىك، جىل باسىنان بەرى قوستاناي وبلىسى پد ەسىرتكى قىلمىسىنا قارسى ءىس-قيمىل جونىندەگى قىزمەتكەرلەرى زاڭسىز اينالىمنان 63 كەلى ءتۇرلى ەسىرتكى زاتتارىن تاركىلەگەن.

Abai.kz