«ءبىز سۋ ىشىندەگى سۋ اتوم رەاكتورىن تاڭداپ قويدىق. قاۋىپسىزدىك ماسەلەسىندە ءبىر پروبلەما بولعان. سول پروبلەما ازداپ شەشىلمەي جاتىر دەۋگە بولادى. ءبىز سالساق دەپ وتىرعان 1200-1400 مەگاۆاتتىق اتوم رەاكتورىن قازاقستاننىڭ ەنەرگەتيكا جۇيەسىنە كىرىكتىرۋ وڭاي شارۋا ەمەس. تەپە-تەڭدىكتى ساقتاۋ، اپاتتىق ساتسىزدىكتەر كەزىندە تۇراقتىلىقتى قامتاماسىز ەتۋ سياقتى ماسەلەلەر ايقىن ەمەس. بىراق ونىڭ ءبارىن شەشۋگە بولادى. ەڭ وڭتايلى جولىن تابۋ كەرەك»، — دەيدى ساراپشى.

ەنەرگەتيك ەلدە سالىنۋى مۇمكىن دەپ وتىرعان العاشقى اەس 1200 مەگاۆاتتىق رەاكتورعا نەگىزدەلگەنىمەن، شاعىن قۋاتتى رەاكتورلاردى ەسەپتەن مۇلدەم شىعارىپ تاستاۋعا بولمايتىنىن ايتادى.

«قازاقستاننىڭ جۇيەسىنە شاعىن قۋاتتى رەاكتورلار جاقسى كەلەر ەدى. مىسالى، توقسانىنشى جىلدارى 640 مۆت-تىق سۋ ىشىندەگى سۋ اتوم رەاكتورىن سالماقشى بولدىق. قازىر شاعىن مودۋلدىك رەاكتورلار سانگە شىعا باستادى. ال بىز 2000 جىلداردىڭ باسىنان بەرى بۇل تاقىرىپتى زەرتتەپ كەلە جاتىرمىز. اقتاۋدا ماڭعىستاۋ اتوم ەنەرگەتيكالىق كومبيناتىنىڭ الاڭىندا اەس سالۋعا باعىتتالعان جوبا بولعان. ول جەردە 300 مۆت-تىق ەكى بلوك ورناتپاق بولعانبىز. قازىر الەمنىڭ شاعىن ءمودۋلدى رەاكتور دەپ جۇرگەنى سول. بۇل ىستە ءبىز جەر شارىنىڭ الدىنا شىعىپ كەتكەنبىز. وسىنىڭ ءبارىن ەسكەرسەك، شاعىن ءمودۋلدى رەاكتورلاردى دا ەسەپتەن شىعارعان جوقپىز. ءبىزدىڭ كومپانيا وسى تەحنولوگيانى ۇسىنۋشىلارمەن سەرىكتەستىك جونىندە مەموراندۋمعا قول قويدى. وتە سەزىمتال اقپاراتتاردى الماسۋمەن بايلانىستى باسقا دا قۇجاتتار بار. بۇل امەريكالىق كومپانيالاردىڭ ءبىرى — NuScale Power. ەكىنشىسى — General Electric. بۇل جاپون-امەريكالىق بىرلەسكەن كاسىپورىن بولىپ ەسەپتەلەدى»، — دەيدى تيمۋر جانتيكين.

Abai.kz