قر ءىىم: ءۇش وڭىردە بوپسالاۋشىلار ۇستالدى
ىشكى ىستەر مينيسترلىگى بوپسالاۋشىلاردىڭ قىلمىستىق توپتارىن انىقتاۋ جانە ۇستاۋ بويىنشا جۇمىستى جالعاستىرىپ كەلەدى، دەپ حابارلايدى Polisia.kz.
سوڭعى ءۇش كۇندە ءۇش قىلمىستىق توپتىڭ زاڭسىز ارەكەتى توقتاتىلدى.
– ورالدا ۇيىمداسقان قىلمىسقا قارسى كۇرەس ءبولىنىسىنىڭ قىزمەتكەرلەرى وزدەرىن قۇقىق قورعاۋ ورگاندارىنىڭ قىزمەتكەرلەرى رەتىندە كورسەتىپ، زورلىق-زومبىلىقپەن وقۋ ورىندارىنىڭ ءبىرىنىڭ ستۋدەنتىنەن 500 مىڭ تەڭگە بوپسالاعان جەرگىلىكتى جاستار توبىن ۇستادى. كۇدىكتىلەر قاماۋعا الىندى.
شىمكەنتتە جەدەل ۋاكىلدەر قالانىڭ ەكى تۇرعىنىن ۇستاپ، ۋاقىتشا ۇستاۋ يزولياتورىنا قامادى. ۇستالعاندار جەرگىلىكتى تۇرعىننان ءبىر ميلليون تەڭگە بوپسالاپ، وعان قاتىستى اقپارات تاراتامىز دەپ قورقىتقان.
اقتوبەدە ۇيىمداسقان قىلمىسقا قارسى كۇرەس ءبولىنىسىنىڭ قىزمەتكەرلەرى ءبىر ميلليون تەڭگە مەن Subaru اۆتوكولىگىن الۋ كەزىندە قىلمىستىق توپتىڭ مۇشەسىن ۇستادى. ول ءوزىنىڭ ءۇش سىبايلاسىمەن عيمارات جەرتولەسىندە جابىرلەنۋشىگە مورالدىق جانە فيزيكالىق قىسىم كورسەتىپ، سەگىز ميلليون تەڭگە بوپسالاعان.
سوتقا دەيىنگى تەرگەۋ جۇرگىزىلۋدە. بوپسالاۋ فاكتىلەرىن انىقتاۋ جانە ولاردىڭ الدىن الۋ جۇمىستارى جالعاسادى، – دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ باسقارما باستىعى قۋاندىق الپىس.
Abai.kz
