قازاقستاننىڭ تانىمال ءانشىسى ءارى مۋزىكانتى پارۆيز نازاروۆ قازاقستاندا اەس سالۋ جونىندەگى رەفەرەندۋمعا قاتىستى. مۋزىكانت بوستاندىق اۋدانىنداعى ع. مۇستافين اتىنداعى №191 مەكتەپتە ورنالاسقان №494 سايلاۋ ۋچاسكەسىنە باردى.

«رەفەرەندۋم – بۇل اركىمنىڭ ەلىمىزدىڭ بولاشاعىنا قاتىستى پىكىرىن بىلدىرۋگە مۇمكىندىك. ءبىز ومىرىمىزگە جانە كەلەشەك ۇرپاقتىڭ ومىرىنە اسەر ەتەتىن شەشىم قابىلدايمىز. وسى ماڭىزدى ۇدەرىسكە ۇلەس قوسا العانىما قۋانىشتىمىن»، – دەدى پارۆيز نازاروۆ.

ءانشى قازاقستان ازاماتتارىنىڭ رەفەرەندۋمعا قاتىسۋى بۇل وقيعانىڭ قوعام ءۇشىن ماڭىزدىلىعىن كورسەتەتىنىن ايتتى. «ءاربىر ازاماتتىڭ پىكىرىن بىلدىرۋگە قۇقىعى مەن مۇمكىندىگى بار ەكەنىن ۇمىتپاۋ ماڭىزدى. داۋىس بەرۋ ناتيجەسى ءبىزدىڭ بولاشاعىمىزدى قالاي كورەتىنىمىزدىڭ جانە ەلىمىزدىڭ يگىلىگى ءۇشىن قانداي وزگەرىس قاجەت ەكەنىن كورسەتەدى»، – دەدى ءانشى.

ەستەرىڭىزگە سالايىق، بۇگىن قازاقستاندا اتوم ەلەكتر ستانتسياسىن سالۋ ماسەلەسى بويىنشا رەسپۋبليكالىق رەفەرەندۋم ءوتىپ جاتىر. الماتى اكىمى ەربولات دوساەۆ جۇبايىمەن بىرگە تاڭەرتەڭ №388 مەكتەپ-ليتسەيىندە ورنالاسقان سايلاۋ ۋچاسكەسىنە العاشقىلاردىڭ ءبىرى بولىپ كەلىپ، داۋىس بەردى. الماتىلىقتار سايلاۋ ۋچاسكەلەرىنە بارىپ، ساعات 20:00-گە دەيىن داۋىس بەرە الادى.

Abai.kz