مۇحتار تايجان: مەن جەكە سەبەپتەرگە بايلانىستى ساياساتتان كەتتىم
مۇحتار تايجاننىڭ ارنايى ءباسپاسوز ءماليحاتىندا ايتقان ءسوزى:
- ساياساتقا كەلەتىن زامان بولادى، ساياساتتان كەتەتىن ۋاقىت بولادى. ويتكەنى، وسى جۇمىسپەن ۇنەمى اينالىسۋ ماڭگى ەمەس. مەنىڭ ساياساتتان كەتۋىممەن ءبىزدىڭ ۇلتتىق دەموكراتيالىق، پاتريوتتىق يدەيالارىمىز ءوشىپ، جۇمىسىمىز توقتايدى دەپ ويلامايمىن. ءبىر ادامنىڭ كۇشى شەكتەۋلى. قوعامدىق-ساياسي جۇمىستاردا ءتورت جارىم جىل ءجۇردىم. سوندىقتان، كەتەتىن ۋاقىت كەلدى دەپ سانايمىن.
«حالىقتىق اليانس» ۇيىمىمىز بار. ولار پوليگوندار مەن گەپتيلگە قارسى جۇمىستار جاساپ جاتىر. جىگىتتەر، ارىپتەستەرىمىز ەۋرازيالىق وداققا قارسى شىعىپ جاتىر. مۇنىڭ ءبارى جۇمىستىڭ جالعاسا بەرەتىنىنىڭ كورىنىسى. مەن جەكە سەبەپتەرگە بايلانىستى ساياساتتان كەتتىم. ال، ويىممەن وسى باعىتتامىن. ءارى قاراي قالاي بولاتىنىن ۋاقىت كورسەتەدى.
تومەندە مۇحتار تايجاننىڭ فەيسبۋك الەۋمەتتىك جەلىسىندەگى جەكە پاراعىنا جازعانى:
قۇرمەتتى دوستار!
مەنىڭ بۇرىنعى ۇستانىمىم مەن كوزقاراسىم وزگەرگەن جوق جانە وتكەنگە وكىنبەيمىن. ەگەر 5 جىل بۇرىن الدىمدا نە كۇتىپ تۇرعانىن، قانداي قيىن سوقپاق بولارىن بىلگەن بولسام، ءبارىبىر سول جولدان تايقىماس ەدىم. قازىر مەنىڭ ارىم تازا. مەن حالىقتى وياتۋ ءۇشىن، بيلىككە اسەر ەتۋ ءۇشىن بارىمدى سالدىم. جەتىستىكتەر دە بارشىلىق.
مۇحتار تايجاننىڭ ارنايى ءباسپاسوز ءماليحاتىندا ايتقان ءسوزى:
- ساياساتقا كەلەتىن زامان بولادى، ساياساتتان كەتەتىن ۋاقىت بولادى. ويتكەنى، وسى جۇمىسپەن ۇنەمى اينالىسۋ ماڭگى ەمەس. مەنىڭ ساياساتتان كەتۋىممەن ءبىزدىڭ ۇلتتىق دەموكراتيالىق، پاتريوتتىق يدەيالارىمىز ءوشىپ، جۇمىسىمىز توقتايدى دەپ ويلامايمىن. ءبىر ادامنىڭ كۇشى شەكتەۋلى. قوعامدىق-ساياسي جۇمىستاردا ءتورت جارىم جىل ءجۇردىم. سوندىقتان، كەتەتىن ۋاقىت كەلدى دەپ سانايمىن.
«حالىقتىق اليانس» ۇيىمىمىز بار. ولار پوليگوندار مەن گەپتيلگە قارسى جۇمىستار جاساپ جاتىر. جىگىتتەر، ارىپتەستەرىمىز ەۋرازيالىق وداققا قارسى شىعىپ جاتىر. مۇنىڭ ءبارى جۇمىستىڭ جالعاسا بەرەتىنىنىڭ كورىنىسى. مەن جەكە سەبەپتەرگە بايلانىستى ساياساتتان كەتتىم. ال، ويىممەن وسى باعىتتامىن. ءارى قاراي قالاي بولاتىنىن ۋاقىت كورسەتەدى.
تومەندە مۇحتار تايجاننىڭ فەيسبۋك الەۋمەتتىك جەلىسىندەگى جەكە پاراعىنا جازعانى:
قۇرمەتتى دوستار!
مەنىڭ بۇرىنعى ۇستانىمىم مەن كوزقاراسىم وزگەرگەن جوق جانە وتكەنگە وكىنبەيمىن. ەگەر 5 جىل بۇرىن الدىمدا نە كۇتىپ تۇرعانىن، قانداي قيىن سوقپاق بولارىن بىلگەن بولسام، ءبارىبىر سول جولدان تايقىماس ەدىم. قازىر مەنىڭ ارىم تازا. مەن حالىقتى وياتۋ ءۇشىن، بيلىككە اسەر ەتۋ ءۇشىن بارىمدى سالدىم. جەتىستىكتەر دە بارشىلىق.
قوعامدىق ومىرگە ارالاسقان ساتتەن باستاپ ايتقان ءار ءسوزىم مەن ءار ىسىمە ءوزىم جاۋاپ بەرەمىن. ءتىپتى بۇگىنگى مالىمدەمەمە دە ەشكىمنىڭ، بيلىكتىڭ دە، وپپوزيتسيانىڭ دا، وليگارحتىڭ دا، قاشقىن ساياساتكەرلەردىڭ دە قاتىسى جوق. بالا كەزدەن بويىما سىڭگەن ومىرلىك تاربيەم مەن ءبىلىمىمدى جانە ەلىمە دەگەن ماحابباتىمدى ەشكىم وزگەرتە الماس. مەن نە ايتسام دا، نە جازسام دا كوزىمدى جەتكىزىپ بارىپ ىستەيمىن. قازىر دە سول قالپىمنان اينىمايمىن. كەز-كەلگەن نارسەگە ءبىر سۇراقپەن - مۇنىڭ ەلگە پايداسى بار ما، جوق پا دەپ قاراۋ كەرەك. سوندا ءبارى ءوز ورنىنا كەلەدى.
وسىدان بىلاي ساياساتقا بەلسەندى تۇردە ارالاسپايمىن دەۋىمنىڭ بىرنەشە سەبەبى بار. ول جەكە باسىما دا، قوعامداعى ءارتۇرلى جاعدايلارعا دا بايلانىستى. جەكە سەبەپتەر - مۇنداي جۇمىستا، ۇزدىكسىز ساياساتتا ەش قولداۋسىز ۇزاق ۋاقىت ءجۇرۋ مۇمكىن ەمەس. سوزبەن ەمەس، ىسپەن قولداۋدى ايتامىن. سوڭعى كەزدەرى وزىمە جانە كاسىپورنىما اكىمشىلىك قىسىم كۇشەيىپ كەتتى. ارا سالماققا تۋرا كوزبەن قاراعان ءجون. مەملەكەتتىك ماشيناعا توتەپ بەرۋ وڭاي ەمەس. ال مەن وتباسىما جاۋاپ بەرۋگە مىندەتتىمىن.
باسقا سەبەپتەردى ايتار بولسام، الما اعاشىن قانشا سۋارساڭىزدار دا، مەزگىلى جەتپەي پىسپەيدى. حالىقتىڭ ساناسى دا، بيلىكتىڭ ويى دا ۋاقىتى كەلمەي وزگەرمەيدى. كۇنى تولعاندا ءبىز سۋارماي-اق، ءوزى ءپىسىپ جەتىلەدى. حالىقتى وياتامىن دەپ تە قاجەتى جوق. ويتكەنى، ولار ءبارىن جاقسى ءبىلىپ وتىر. بىراق ۇندەمەيدى. كۇتەدى. ءارى قورقادى. ولار ءۇشىن باسقا بىرەۋ ىستەپ بەرسە ەكەن دەيدى. ولاي بولمايدى دا، بولعان ەمەس. بىلەك سىبانىپ، جەڭدى ءتۇرىپ، قارا جۇمىستى ءبارى بىردەي ىستەۋى كەرەك. باسقا جول جوق. ءبىز وسىنى جاقسىلاپ ءتۇسىنۋىمىز ءتيىسپىز. سوندا عانا ىلگەرى جۇرە الامىز.
مەن قوعامدا قالا بەرەمىن. بىراق نەگىزگى جۇمىسىم قوعامدىق ءومىر مەن ساياسات بولمايدى. بارلىقتارىڭىزعا ساتتىلىك تىلەيمىن!
قۇرمەتپەن مۇحتار تايجان. 18.03.2014.
Abai.kz
