رەسەي سىرتقى ىستەر ءمينيسترى سەرگەي لاۆروۆ قر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋگە تەلەفون شالدى، دەپ حابارلايدى رەسەيدىڭ قازاقستانداعى ەلشىلىگىنىڭ ءباسپاسوز قىزمەتى.

«رەسەي تاراپىنىڭ باستاماسىمەن قر پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇرات نۇرتىلەۋ مەن رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆ تەلەفون ارقىلى سويلەستى. مينيسترلەر مەملەكەت باسشىلارىنىڭ تاپسىرمالارىن ۋاقتىلى ورىنداۋعا باسا نازار اۋدارا وتىرىپ، 2024 جىلعى ەكىجاقتى ىنتىماقتاستىقتىڭ قورىتىندىلارىن شىعاردى، سونداي-اق جوعارى جانە جوعارى دەڭگەيدە وتەتىن الداعى ءىس-شارالار كەستەسىن تەكسەردى»، - دەلىنگەن حابارلامادا.

تاراپتار قازاقستان-رەسەي قارىم-قاتىناستارىنىڭ دامۋ ديناميكاسىن جوعارى باعالاپ، ءتۇرلى سالالارداعى ستراتەگيالىق ارىپتەستىكتى نىعايتۋ جوسپارلارىن تالقىلاعانى اتاپ ءوتىلدى.

«سونىمەن قاتار حالىقارالىق كۇن تارتىبىندەگى وزەكتى ماسەلەلەر جانە كوپجاقتى فورماتتاعى ىنتىماقتاستىق تۋرالى پىكىر الماسۋ بولدى»، - دەلىنگەن حابارلامادا.

Abai.kz