الماتى. 28 قىركۇيەك. قازتاگ– ديليارام اركين. بتا بانكتەگى جىمقىرۋ فاكتىلەرىنە بايلانىستى قىلمىستىق ءىس بويىنشا حالىقارالىق ىزدەۋگە جاريالانعان «بەتپاق دالا» جشس-ءىنىڭ جەتەكشىسى ريفات ريزوەۆ قازاقستانعا ورالدى. بۇل تۋرالى قازتاگ اگەنتتىگىنە ونىڭ ۋكرايندىق ادۆوكاتى ولەگ تۋەۆ ءمالىم ەتتى. 

«ول وتكەن سەنبىدە، قىركۇيەكتىڭ 26-سى كۇنى كەيبىر باق-تار جازىپ جاتقانداي قارۋلى جاساق جەتەگىمەن ەمەس، ەرىكتى تۇردە ورالدى. قازىرگى ۋاقىتتا ونىڭ قاۋىپسىزدىگىن قامتاماسىز ەتۋ شارالارى قاراستىرىلدى»، - دەدى و. تۋەۆ.

ونىڭ ايۋىنشا، ر. ريزوەۆتىڭ ورالۋىنا قازاقستان باس پروكۋراتۋراسى دا سەپتىگىن تيگىزگەن.

«ريزوەۆ 1-ءشى ساۋىردە الماتىنىڭ مەدەۋ اۋداندىق سوتىنىڭ قاۋلىسىنا ساي ۋكراينادا تۇتقىندالىپ، كيەۆتەگى تەرگەۋ وقشاۋلاعىشىنا جاتقىزىلعان. م. ءابليازوۆتىڭ ىقپالىمەن ر. ريزوەۆ بۇرىن حالىقارالىق ستراسبۋرگ سوتىنا ارىزدانىپ، سونىڭ سالدارىنان اتالعان سوتتىڭ اقتىق شەشىمى شىقپايىنشا، ونىڭ ەكستراديتسياسى ماسەلەسى توقتاتىلعان»، - دەپ ءتۇسىندىردى و. تۋەۆ.

ۋكريانالىق ادۆوكاتتىڭ تۇسىنىكتەمەسىنەن بەلگىلى بولعانداي، ونىڭ قورعاۋىنداعى ريزوەۆ «ءوز ەركىمەن ستراسبۋرگ سوتىنا بەرگەن شاعىمىن كەرى شاقىرىپ الىپ، قازاقستانعا ورالىپ، سونداي-اق قازاقستان تەرگەۋ ورگاندارىنا كومەكتەسۋ تۋرالى شەشىم قابىلداعان».

الماتى. 28 قىركۇيەك. قازتاگ– ديليارام اركين. بتا بانكتەگى جىمقىرۋ فاكتىلەرىنە بايلانىستى قىلمىستىق ءىس بويىنشا حالىقارالىق ىزدەۋگە جاريالانعان «بەتپاق دالا» جشس-ءىنىڭ جەتەكشىسى ريفات ريزوەۆ قازاقستانعا ورالدى. بۇل تۋرالى قازتاگ اگەنتتىگىنە ونىڭ ۋكرايندىق ادۆوكاتى ولەگ تۋەۆ ءمالىم ەتتى. 

«ول وتكەن سەنبىدە، قىركۇيەكتىڭ 26-سى كۇنى كەيبىر باق-تار جازىپ جاتقانداي قارۋلى جاساق جەتەگىمەن ەمەس، ەرىكتى تۇردە ورالدى. قازىرگى ۋاقىتتا ونىڭ قاۋىپسىزدىگىن قامتاماسىز ەتۋ شارالارى قاراستىرىلدى»، - دەدى و. تۋەۆ.

ونىڭ ايۋىنشا، ر. ريزوەۆتىڭ ورالۋىنا قازاقستان باس پروكۋراتۋراسى دا سەپتىگىن تيگىزگەن.

«ريزوەۆ 1-ءشى ساۋىردە الماتىنىڭ مەدەۋ اۋداندىق سوتىنىڭ قاۋلىسىنا ساي ۋكراينادا تۇتقىندالىپ، كيەۆتەگى تەرگەۋ وقشاۋلاعىشىنا جاتقىزىلعان. م. ءابليازوۆتىڭ ىقپالىمەن ر. ريزوەۆ بۇرىن حالىقارالىق ستراسبۋرگ سوتىنا ارىزدانىپ، سونىڭ سالدارىنان اتالعان سوتتىڭ اقتىق شەشىمى شىقپايىنشا، ونىڭ ەكستراديتسياسى ماسەلەسى توقتاتىلعان»، - دەپ ءتۇسىندىردى و. تۋەۆ.

ۋكريانالىق ادۆوكاتتىڭ تۇسىنىكتەمەسىنەن بەلگىلى بولعانداي، ونىڭ قورعاۋىنداعى ريزوەۆ «ءوز ەركىمەن ستراسبۋرگ سوتىنا بەرگەن شاعىمىن كەرى شاقىرىپ الىپ، قازاقستانعا ورالىپ، سونداي-اق قازاقستان تەرگەۋ ورگاندارىنا كومەكتەسۋ تۋرالى شەشىم قابىلداعان».

«سوندىقتان مەن ادۆوكات رەتىندە قورعاۋىمداعىنىڭ قالاۋىن ورىنداپ، قازاقستاننىڭ باس پروكۋراتۋراسى مەن بتا بانكىنىڭ ءىسى بويىنشا قۇرىلعان ۆەدومسۆتوارالىق تەرگەۋ توبىنىڭ جەتەكشىلەرىنە ءتيىستى وتىنىشتەردى بەردىم»، - دەدى ول.

وسىعان بايلانىستى، الماتىنىڭ مەدەۋ اۋداندىق سوتى تەرگەۋ توبىنىڭ ءوتىنىشىن قابىل الىپ، ايىپتالىپ وتىرعان ر. ريزوەۆقا قاتىستى وقشاۋلاۋ شاراسىن ەشقايدا كەتپەيتىندىگى تۋرالى قولحاتپەن الماستىردى.

«م. ءابليازوۆ («بتا بانكتىڭ» ەكس-باسشىسى) جەكە ءوزى دە، جانە ۋكرايناعا كەلگەن جالداعان ادۆوكاتتارى ارقىلى دا، سوڭعى ساتكە دەيىن ونىڭ وتباسىنا قاۋىپ تونەتىنىن ەسكەرتىپ، ر. ريزوەۆتى وتانىنا قايتۋدان باس تارتۋعا ۇگىتتەگەنىمەن، ر. ريزوەۆ ءوز دەگەنىندە تۇردى»، - دەپ ءتۇسىندىردى و. تۋەۆ.   

ونىڭ ايتۋىنشا، 22-ءشى قىركۇيەكتە قر باس پروكۋراتۋرا وكىلدەرى ۋكراينالىق ارىپتەستەرىنە ونى وقشاۋلاۋ شاراسىنىڭ وزگەرتىلگەنى تۋرالى قاۋلىنى جەتكىزگەن. سول سەبەپتى 25-ءشى قىركۇيەكتە ۋكراينا باس پروكۋراتۋراسىنىڭ شەشىمىمەن ريزوەۆ قاماۋدان بوساتىلىپ، ءوزىنىڭ ادۆوكاتىمەن قازاقستانعا ورالىپ، قازىر بتا بانكىندەگى جىمقىرۋ فاكتىلەرى بويىنشا تەرگەۋ امالدارىنا قاتىسىپ جاتىر. 

و. تۋەۆتىڭ ايتۋىنشا، تەرگەۋ قورتىندىسى بويىنشا ر. ريزوەۆكە قاتىستى ونىڭ وكىنىش ءبىلدىرىپ جانە تەرگەۋگە بەلسەنە كومەك كورسەتۋى سەبەپتى قىلمىستىق قۋدالاۋدى توقتاتۋ ماسەلەسى قاراستىرىلادى. «ر. ريزوەۆپەن بارلىق كەلىسسوزدەر م. ابليازوۆقا قاتىستى قىلمىستىق ءىس اياسىندا جۇرگىزىلگەنىن جانە «قازاتومونەركاسىپ» كومپانياسىنىڭ ەكس-باسشىسى مۇحتار جاكىشەۆتىڭ ىسىنە ر. ريزوەۆتىڭ ەشقانداي قاتىسى جوق ەكەنىن اتاپ وتكىم كەلەدى»، - دەپ ناقتىلادى ادۆوكات.

بۇل رەتتە، اگەنتتىككە قر باس پروكۋراتۋراسىنىڭ ۆەدومسۆتوارالىق تەرگەۋ توبىنىڭ جەتەكشىسى ساكەن ىقسانعاليەۆتىڭ ايتۋىنشا، ر. ريزوەۆتىڭ قازاقستانعا ورالۋى مەن ونىڭ تەرگەۋ امالدارىنا قاتىسۋىنا بەلسەندى ارالاسقان ادۆوكات ولەگ تۋەۆ بولعان.

«سوندىقتان قازاقستان باس پروكۋراتۋراسىنىڭ اتىنان ءبىز وعان ەرەكشە العىسىمىزدى ايتقىمىز كەلەدى»، - دەپ اتاپ كورسەتتى ول.

بۇرىن حابارلانعانداي، بيىلعى جىلدىڭ ناۋرىزىندا بتا بانكتىڭ ەكس-باسشىسى مۇحتار ءابليازوۆ پەن ونىڭ 13 ىمىرالاستارىنىڭ ۇستىنەن قر باس پروكۋراتۋراسى قىلمىستىق ءىس اشقان. ولاردىڭ ىشىندە ر. ريزوەۆ تە بار. قىلمىستىق ءىستى قوزعاۋعا كۇدىكتىلەردىڭ بانكتەن م. ءابليازوۆ باسشىلىعى كەزىندە الدىن الا قايتارىلمايتىن نەسيەلەردى ۇلكەن مولشەردە بەرۋ ارقىلى زاڭسىز الىنعان پايدانى جۋ فاكتىلەرى قىلمىستىق ءىس اشۋعا نەگىز بولعان. 

46 جاسار ر. ريزوەۆ «بەتپاق دالا» جشس جەتەكشىسى جانە م. ءابليازوۆتىڭ سەنىمدى ادامدارى قاراتىندا بولىپ، ونىڭ نۇسقاۋىمەن م. ءابليازوۆتىڭ باسشىلىعىنداعى كوپتەگەن وففشورلىق كومپانيالاردىڭ جەتەكشىسى  بولعان. ول ناۋرىزدىڭ باسىندا ەلدەن كەتۋ ارقىلى تەرگەۋدەن جاسىرىنىپ ۇلگەرگەن. 2009 جىلى 7-ءشى ناۋرىزدا وعان حالىقارالىق ىزدەستىرۋ جاريالاندى.