26 اقپاندا حالىقارالىق وليمپيادالىق كوميتەتى (حوك) World Boxing حالىقارالىق فەدەراتسياسىن ۋاقىتشا مويىنداعانىن رەسمي تۇردە جاريالادى.

بۇل شەشىمگە قازاقستان ۇلتتىق وليمپيادالىق كوميتەتىنىڭ پرەزيدەنتى، World Boxing وليمپيادالىق كوميسسياسىنىڭ توراعاسى گەننادي گولوۆكين پىكىر ءبىلدىردى.

حوك-ءنىڭ ۋاقىتشا مويىنداۋى – ماڭىزدى جەتىستىك جانە ءبىزدىڭ سپورت دۇرىس باعىتتا دامىپ جاتقانىن كورسەتەدى. بۇل شەشىم بوكستى وليمپيادا ويىندارىندا ساقتاۋ جولىنداعى ماقساتىمىزدى تاعى ءبىر قادام العا جاقىنداتادى.

مەن World Boxing-ءتى قولدايتىن بارلىق ادامداردىڭ ۇزدىكسىز ەڭبەگىنىڭ ارقاسىندا وسىنداي ناتيجەگە قول جەتكىزگەنىمىزگە قۋانىشتىمىن. بولاشاق سپورتشىلار مەن بولاشاق چەمپيوندار ءۇشىن ءبىزدىڭ ورتاق ماقساتىمىز – ادالدىق پەن بەيتاراپتىق قاعيداتتارىنا نەگىزدەلگەن حالىقارالىق فەدەراتسيا قۇرۋ.

بارلىق ماقساتتارىمىزعا جەتۋ ءۇشىن ءالى دە كوپ جۇمىس ىستەۋىمىز كەرەك، سوندىقتان ءبىز وسى جەتىستىگىمىزبەن شەكتەلمەيمىز.

Abai.kz