درون بولشەكتەرىنە ۇقساس زاتتار تاعى دا باتىس قازاقستان وڭىرىنەن، ەلدى مەكەننەن اۋلاقتا تابىلعان. بقو پوليتسياسى ۋاكىلەتتى ورگاندارمەن بىرلەسىپ "جانىبەك اۋدانىنان تابىلعان ۇشقىشسىز ۇشۋ اپپاراتىنىڭ بولشەكتەرىنە ۇقساس زاتتاردى تەكسەرۋ شارالارىن جۇرگىزىپ جاتقانىن" ايتتى.

رەسەيمەن شەكتەسەتىن بقو اۋماعىندا بيىل وسىمەن ءتورتىنشى رەت كىمگە تيەسىلى ەكەنى بەلگىسىز ۇشۋ اپپاراتى تابىلىپ وتىر.

24 ناۋرىزدا جانىبەك اۋدانى اۋماعىنان درون بولشەكتەرىنە ۇقساس زاتتار تابىلعان.

18 ناۋرىزدا تاعى ءبىر درون تاسقالا اۋدانى اۋماعىنا قۇلاعانىن اتامەكەن اۋىلىنىڭ تۇرعىندارى حابارلاعان. زاتتىڭ ۇزىندىعى – 300 سم.

18 اقپاندا بوكەي ورداسى اۋدانى ۇيالى اۋىلىنىڭ ماڭىنا ۇشاتىن اپپارات قۇلاعان.

قۇزىرلى ورىندار بۇل وقيعالارعا بايلانىستى ءالى كۇنگە دەيىن قوعامعا تولىمدى اقپارات بەرمەي وتىر. 26 ناۋرىزدا قورعانىس مينيسترلىگىنىڭ ءباسپاسوز قىزمەتى ازاتتىق ازيا اگەنتتىگىنىڭ سۇراعىنا بەرگەن جاۋابىندا "بارلىق فاكتىلەر بويىنشا تەرگەۋ جۇرگىزىلىپ جاتقانىن" عانا ايتتى.

دەرەككوزى: ازاتتىق راديوسى

Abai.kz