ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى – قازاقستاننىڭ قۇقىقتىق ءبىلىم بەرۋ سالاسىندا ەرەكشە ورىن الاتىن، جوعارى دەڭگەيدەگى كاسىبي مامانداردى دايىندايتىن بەدەلدى ءبىلىم بەرۋ ورتالىعى. 

70 جىلدىق  تاريحى بار فاكۋلتەتىمىز قازىرگى تاڭدا زاڭ سالاسىنىڭ ۇزدىكتەرىن دايىنداۋدا. زاڭ فاكۋلتەتى كوپتەگەن جىلدار بويى ەلدىڭ قۇقىقتىق جۇيەسىنىڭ دامۋىنا، بىلىكتى زاڭگەرلەر مەن قۇقىق سالاسىنىڭ كوشباسشىلارىن دايارلاۋعا ايتارلىقتاي ۇلەس قوسىپ كەلەدى. زاڭ فاكۋلتەتى  ۋنيۆەرسيتەت قۇرىلعان كەزدە اشىلعان جانە قازاقستاننىڭ زاڭگەرلەردى دايارلايتىن العاشقى جوعارى وقۋ ورىندارىنىڭ ءبىرى بولدى. فاكۋلتەت ەلىمىزدىڭ قۇقىقتىق جۇيەسى مەن زاڭ عىلىمدارىنىڭ قالىپتاسۋ تاريحىمەن تىعىز بايلانىستى. مۇندا كوپتەگەن عالىمدار، ساياساتكەرلەر، سۋديالار جانە ادۆوكاتتار ءبىلىم الىپ، ەلىمىزدىڭ ءتۇرلى سالالارىندا تابىستى ەڭبەك ەتىپ ءجۇر. زاڭ فاكۋلتەتى قازاقستاننىڭ قۇقىقتىق ءبىلىم بەرۋ ستاندارتتارىنا ساي كەلەتىن زاماناۋي جانە جان-جاقتى ءبىلىم بەرۋ باعدارلامالارىن ۇسىنادى. ولاردىڭ قاتارىندا:

1. باكالاۆريات:

• قۇقىقتانۋ;
• حالىقارالىق قۇقىق;
• ەكولوگيالىق قۇقىق.

2. ماگيستراتۋرا:

• ازاماتتىق قۇقىق;
• قىلمىستىق قۇقىق;
• سوت ساراپتاماسى;
• قۇقىقتىق ساياسات جانە باسقارۋ.

3. دوكتورانتۋرا (PhD):

فاكۋلتەتتىڭ نەگىزگى ارتىقشىلىقتارىنا توقتالىپ وتسەك:ەلىمىزگە بەلگىلى زاڭگەرلەر، عالىمدار، تاجىريبەلى قۇقىق قورعاۋ سالاسىنىڭ ماماندارى جۇمىس ىستەيدى. ولاردىڭ كوبى حالىقارالىق دەڭگەيدە تانىلعان.فاكۋلتەت الەمنىڭ جەتەكشى ۋنيۆەرسيتەتتەرىمەن ارىپتەستىك ورناتقان. بۇل ستۋدەنتتەرگە حالىقارالىق الماسۋ باعدارلامالارىنا قاتىسۋعا، شەتەلدىك تاجىريبەدەن وتۋگە جانە قوس ديپلوم الۋعا مۇمكىندىك بەرەدى.فاكۋلتەتتە ستۋدەنتتەردىڭ تەوريالىق بىلىمدەرىن پراكتيكادا قولدانۋ مۇمكىندىگىنە ەرەكشە كوڭىل بولىنەدى. ولار زاڭ كلينيكالارىندا، سوت ورگاندارىندا، پروكۋراتۋرا مەن ادۆوكاتۋرادا تاجىريبەدەن وتەدى.فاكۋلتەتتە ستۋدەنتتەر مەن وقىتۋشىلاردىڭ عىلىمي-زەرتتەۋ جۇمىستارىمەن اينالىسۋى ءۇشىن بارلىق جاعداي جاسالعان.

ولار قۇقىق سالاسىنداعى وزەكتى ماسەلەلەردى زەرتتەپ، ءوز يدەيالارىن جاريالاۋعا مۇمكىندىك الادى.فاكۋلتەت تۇلەكتەرى قازاقستاننىڭ سوت، قۇقىق قورعاۋ، مەملەكەتتىك باسقارۋ جانە حالىقارالىق ۇيىمدارىندا جوعارى لاۋازىمدارعا قول جەتكىزگەن. ولار ەلدەگى قۇقىقتىق جۇيەنىڭ تيىمدىلىگىن ارتتىرۋعا جانە قوعامنىڭ قۇقىقتىق مادەنيەتىن دامىتۋعا بەلسەندى قاتىسادى.زاماناۋي تالاپتارعا ساي فاكۋلتەتىمىز قۇقىقتىق ءبىلىم بەرۋدى ودان ءارى جەتىلدىرۋدى، حالىقارالىق دەڭگەيدە باسەكەگە قابىلەتتى ماماندار دايارلاۋدى جانە قۇقىقتىق عىلىمدى دامىتۋعا ۇلەس قوسۋدى جالعاستىرادى.

زاڭ فاكۋلتەتى – قازاقستانداعى ەڭ بەدەلدى زاڭ وقۋ ورىندارىنىڭ ءبىرى عانا ەمەس، قۇقىقتىق عىلىم مەن پراكتيكانى دامىتۋداعى ماڭىزدى ورتالىق. بۇل فاكۋلتەتتىڭ تۇلەكتەرى ەلدىڭ قۇقىقتىق جۇيەسىن نىعايتىپ، ادىلەتتى جانە زاڭعا نەگىزدەلگەن قوعام قۇرۋعا ۇلەس قوسىپ كەلەدى. جوعارى دەڭگەيلى ءبىلىم الۋدى ماقسات ەتكەن بولاشاق زاڭگەرلەر ءۇشىن بۇل فاكۋلتەت ەڭ دۇرىس تاڭداۋ بولا الادى.

ۋسەينوۆا ك.ر.

ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى مەملەكەت جانە قۇقىق تەورياسى مەن تاريحى،كونستيتۋتسيالىق جانە اكىمشىلىك قۇقىق كافەدراسىنىڭ مەڭگەرۋشىسى، ز.ع.ك.

Abai.kz