الماتى قالاسى اكىمىنىڭ ورىنباسارى بيزنەستى زاڭسىز تەكسەرگەنى ءۇشىن جاۋاپتىلىققا تارتىلدى.

تۇركسىب اۋدانىنىڭ پروكۋراتۋراسى كاسىپكەرلىك سۋبەكتىلەرىن زاڭسىز تەكسەرۋمەن بايلانىستى اكىمدىكتىڭ لاۋازىمدى تۇلعالارىنىڭ قۇقىققا قارسى ارەكەتتەرىنىڭ جولىن كەستى.

قالا اكىمى ورىنباسارىنىڭ تاپسىرماسى بويىنشا الەۋمەتتىك ماڭىزى بار ازىق-تۇلىك تاۋارلارىنىڭ باعاسىنا مونيتورينگ جۇرگىزۋ بارىسىندا اۋدان اكىمدىكتەرىنىڭ قىزمەتكەرلەرى ءوز وكىلەتتىكتەرىنىڭ شەگىنەن شىعىپ كاسىپكەرلەردەن قۇجاتتاردى (تاۋارلارعا ىلەسپە جۇك قۇجاتتاردى) زاڭسىز نەگىزدە ۇسىنۋدى تالاپ ەتكەن.

مۇنداي ارەكەتتەر زاڭناماعا قايشى كەلەدى، سەبەبى تەكسەرۋشىلەردە بيزنەستەن قۇجاتتامانى تالاپ ەتۋ ءۇشىن قۇقىقتىق نەگىزدەر بولماعان.

تەكسەرۋ جۇرگىزۋ ءتارتىبىن بۇزۋ فاكتىلەرى بويىنشا اۋدان اكىمدەرى اپپاراتتارىنىڭ 6 لاۋازىمدى تۇلعاسى قر اقبتك-ءنىڭ 175-بابىمەن اكىمشىلىك جاۋاپتىلىققا تارتىلدى (25 ماتەريال بويىنشا 500 اەك مولشەرىندە ايىپپۇل سالىندى).

بۇدان باسقا الماتى قالاسى اكىمىنىڭ ورىنباسارى قر اقبتك-ءنىڭ 173-بابىمەن كاسىپكەرلىك قىزمەتكە زاڭسىز ارالاسقانى ءۇشىن (100 اەك مولشەرىندە ايىپپۇل سالۋ ارقىلى) جاۋاپتىلىققا تارتىلدى.

قازىرگى ۋاقىتتا بارلىق ايىپپۇل قىسقارتىلعان تارتىپپەن تولەندى.

Abai.kz