«زاڭ جانە ءتارتىپ» يدەولوگياسىن ىسكە اسىرۋ اياسىندا اقتوبە وبلىسىنىڭ پروكۋراتۋراسى ۇلەسكەرلەردىڭ قۇقىقتارىن قورعاۋ جۇمىستارىن جۇزەگە اسىرۋدا.

مىسالى، تەرگەلگەن الاياقتىق دەرەگى بويىنشا «جيليششە» قۇرىلىس كومپانياسىنىڭ توراعاسىنا قاتىستى قىلمىستىق ءىس وبلىس پروكۋراتۋرامەن 2 ساۋىردە سوتقا جولداندى.

زارداپ شەككەن 75 ۇلەسكەر تۇرعىن ءۇي قۇرىلىسىنا 421 ملن تەڭگەدەن استام قاراجات سالعان. الايدا، كومپانيا اقتوبە قالاسىندا 2 ءۇيدى سالماعان.

وبلىس اۋماعىندا جالپى 11 پروبلەمالىق ۇلەسكەرلىك قۇرىلىستارى بار، ولار بويىنشا 745 جابىرلەنۋشى، زالال – 5,6 ملرد تەڭگە.

وتكەن جىلى 5 قۇرىلىس كومپانيا باسشىلارى 8 نىسان بويىنشا قىلمىسقا تارتىلىپ 6 جىلعا سوتتالدى.

پروكۋراتۋرامەن، ازاماتتىق تارتىپتە سوتتارعا 2 تالاپ-ارىز جولداندى، ياعني 159 ۇلەسكەردىڭ مۇددەسى ءۇشىن، ساتىپ الۋ شارتتارىن جارامسىز دەپ تانىپ، ۇلەسكەرلەردىڭ پايداسىنا 2 ملرد تەڭگە ءوندىرۋ تالاپ ەتىلگەن. ودان باسقا، 600 ۇلەسكەردىڭ مۇددەسى ءۇشىن تاعى 6 تالاپ-ارىز جولدانادى – بۇل تۋرالى وبلىس پروكۋرورى مارات ابىشەۆ اتاپ ءوتتى.

ءبىز بارلىق پروبلەمالىق قۇرىلىس نىساندارىن باقىلاۋدا ۇستايمىز.

پروكۋراتۋرا ورگاندارى ازاماتتاردى قۇرىلىسشىلاردان بارلىق رۇقسات قۇجاتتارىنتالاپ ەتۋگە شاقىرادى، مىسالى:

• ۋاكىلەتتى وپەراتوردىڭ كەپىلدىگى;

• ەكىنشى دەڭگەيلى بانكتىڭ جوباعا قاتىسۋى;

• تۇرعىن ءۇيدىڭ قۇرىلىسىنىڭ تولىق دايارلىعى.

ەگەردە ءسىزدىڭ قۇقىقتارىڭىز بۇزىلعان جاعدايدا، اكىمدىڭ جانىنداعى قۇرىلىس باسقارماسىنا نەمەسە سوت جانە پروكۋراتۋرا ورگاندارىنا ارىز جازۋعا بولادى.

مەنشىك پەن مۇلىكتەرىڭىزدى قورعاڭىز!

Abai.kz