«قازاقستان» تەلەراديوكورپوراتسياسىنىڭ «Balapan» تەلەارناسى 1 مامىردان باستاپ «جەلاياق» تولىقمەترلى انيماتسيالىق ءفيلمىن پروكاتقا شىعارادى.

«جەلاياق» – شىتىرمان وقيعاعا تولى، قيال-عاجايىپقا قۇرىلعان انيماتسيالىق تۋىندى. ءفيلمنىڭ باستى كەيىپكەرى – ەرەكشە قابىلەتكە يە 6 جاستاعى الەم. الەمنىڭ بار قابىلەتىن يەمدەنگىسى كەلگەن مىستان ەسىمدى زۇلىم وعان قارسى شىعادى. وسى ساتتەن باستاپ الەم بويىنداعى ەرەكشە كۇشپەن قوعامدى زۇلىمدىقتان، قاۋىپ-قاتەردەن قورعاۋعا بەل بۋادى.

«جەلاياق» جوباسىنىڭ يدەياسى ومىرلىك قۇندىلىقتاردى جەتكىزۋدى كوزدەيدى. ءبىز بۇل مۋلتفيلم ارقىلى جاقسىلىق پەن زۇلىمدىقتىڭ اراسىنداعى كۇرەستى، ىزگىلىك پەن ادالدىقتىڭ جەڭىسىن، شىنايى باتىلدىقتى كورسەتۋگە تىرىستىق. جوباداعى عىلىمي فانتاستيكا ەلەمەنتتەرى بالالاردىڭ قيالىن دامىتۋعا كومەكتەسەدى. جالپى العاندا، «جەلاياق» – قازاق ميفولوگياسىنداعى وقيعالاردىڭ زامانعا ساي بەيىمدەلۋى»، - دەيدى جوبانىڭ شىعارماشىلىق توبى.

انيماتسيالىق فيلم ەلىمىزدىڭ بارلىق قالالارىنداعى كينوتەاترلار جەلىسىندە 1 مامىردان باستاپ كورسەتىلەدى.

Abai.kz