ماڭعىستاۋ وبلىسى تۇپقاراعان اۋدانى باۋتين اۋىلى ماڭىندا تاعى دا ءولى يتبالىقتار تابىلدى دەپ حابارلادى اقتاۋلىق بلوگەر ازامات سارسەنباەۆ.

“بۇگىن ەۆرونيۋستىڭ ءتۇسىرىلىم توبىمەن بىرگە كاسپي تەڭىزىنە قاتىستى ەكولوگيالىق ماسەلەلەر تۋرالى رەپورتاج ءتۇسىرۋ ءۇشىن فورت-شەۆچەنكوعا كەلدىك. ونداعى كورىنىستەن شوشىپ كەتتىك. جاعالاۋداعى شاعىن كەڭىستىكتىڭ وزىنەن 50-دەن استام ءولى ەرەسەك يتبالىقتى تاپتىق. جانە بۇل ءبىر شاقىرىم عانا” دەپ جازدى بلوگەر ءبىر كۇن بۇرىن.

ونىڭ سوزىنشە، جەرگىلىكتى بالىقتى قورعاۋ ينسپەكتورلارى ەكى كۇن بۇرىن عانا بۇل جەردەن 160-تان استام ءولى يتبالىق تاۋىپ، ۋتيليزاتسيالاعان.

دەرەككوزى: ازاتتىق راديوسى

Abai.kz