جوبانىڭ باستى ماقساتى – قازاق حالقىنىڭ كونە، ۇمىتىلىپ بارا جاتقان مۋزىكالىق اسپاپتارىن جاڭعىرتۋ، ناسيحاتتاۋ جانە جاستاردىڭ ۇلتتىق مۋزىكاعا دەگەن قىزىعۋشىلىعىن ارتتىرۋ. 

اتالعان جوبا ارقىلى ۇلتتىق مۇرامىزعا جاڭا سەرپىن بەرىلىپ، ۇمىت قالعان اسپاپتار قايتا جاڭعىردى. اسىرەسە، جاستار مەن بالالاردىڭ قازاق مۋزىكاسىنا دەگەن قىزىعۋشىلىعى ەرەكشە بايقالدى. فەستيۆالگە قالامىزدىڭ تالانتتى ورىنداۋشىلارى مەن قولونەر شەبەرلەرى قاتىستى. قاتىسۋشىلار تەك ونەر كورسەتىپ قانا قويماي، ۇلتتىق اسپاپتاردىڭ جاسالۋ تەحنيكاسىمەن تانىسىپ، كونە مۇرانىڭ قادىر-قاسيەتىن تەرەڭ سەزىندى. ءاربىر ءىس-شارا كورەرمەندەرگە رۋحاني اسەر سىيلاپ، ۇلتتىق بىرەگەيلىكتى نىعايتۋعا ۇلەس قوستى.

سۋرەت: الماتى قالاسى قوعامدىق دامۋ باسقارماسىنىڭ قوعامدىق دامۋ ورتالىعىنان الىندى.

جوبانىڭ ماڭىزدىلىعى – تەك مۋزىكالىق باعىتپەن شەكتەلمەي، ۇلتتىق سانا مەن تاريحي تانىمدى قالىپتاستىرۋعا ىقپال ەتۋىندە. وسىنداي كەشەندى شارالار ارقىلى وسكەلەڭ ۇرپاقتىڭ بويىندا ءوز مادەنيەتىنە دەگەن ماقتانىش سەزىمى قالىپتاسادى. بۇل باستاما الداعى ۋاقىتتا دا جالعاسىن تاۋىپ، ءداستۇرلى مۋزىكا الەمىندە جاڭا مۇمكىندىكتەرگە جول اشادى. 

فەستيۆال اياسىندا ورىنداۋشىلار بايقاۋى، كورمەلەر مەن ەكسكۋرسيالار جانە ۇلتتىق اسپاپ جاساۋ شەبەرلەرىنىڭ تاجىريبەلىك ساباقتارى ۇيىمداستىرىلدى. سوڭعى كەزەڭدە بايقاۋ جەڭىمپازدارى كونە ساز اسپاپتارمەن ونەر كورسەتىپ، ولاردىڭ تاريحى مەن ءۇنىن جاڭا بۋىنعا جەتكىزۋگە اتسالىسىپ، ماراپاتتارعا يە بولدى. 

Abai.kz