«بالداۋرەن» حالىقارالىق ىنتىماقتاستىقتى كەڭەيتۋدە.

«بالداۋرەن» رەسپۋبليكالىق وقۋ-ساۋىقتىرۋ ورتالىعى جازعى دەمالىستى ۇيىمداستىرۋ شەڭبەرىندە حالىقارالىق ىنتىماقتاستىق اياسىن كەڭەيتىپ كەلەدى. بالالاردىڭ دەمالىسىن ۇيىمداستىرۋدا مول تاجىريبەسى بار ورتالىق شەتەلدىك بالالاردى دا قابىلداي وتىرىپ، مادەنيەتارالىق بايلانىستاردى دامىتۋعا ەرەكشە كوڭىل بولەدى.

ورتالىق جۇمىس ىستەگەن جىلدار ىشىندە مۇندا الەمنىڭ 15 ەلىنەن كەلگەن بالالار دەمالدى. سوڭعى ءۇش جىلدىڭ وزىندە عانا «بالداۋرەن» تمد ەلدەرىنەن، قىتاي، تۇركيا، موڭعوليا جانە باسقا دا مەملەكەتتەردەن كەلگەن 700-دەن استام شەتەلدىك بالانى قابىلدادى.

3 ماۋسىمدا قازاقستانعا دەمالىس پەن وڭالتۋدان ءوتۋ ءۇشىن ۋكراينادان بالالار توبى كەلدى. ولار ءۇشىن ءبىزدىڭ ەلىمىز تۋرالى تانىمىن كەڭەيتۋگە باعىتتالعان بىرقاتار ءىس-شارالار جوسپارلانعان. اتاپ ايتقاندا، بالالار «بۋراباي» مەملەكەتتىك ۇلتتىق تابيعي پاركىنە ەكسكۋرسيا جاساپ، استانا قالاسىنداعى كورنەكتى ورىندارعا ساياحاتتايدى.

مۇنداي ساپارلار بالالاردىڭ وي-ءورىسىن كەڭەيتىپ قانا قويماي، مادەنيەتارالىق تۇسىنىستىك پەن ءوزارا قۇرمەتتى قالىپتاستىرۋعا، حالىقتار اراسىنداعى دوستىقتى نىعايتۋعا ىقپال ەتەدى.

بالالىق شاق — بۇل باقىت مەكەنى. ونى بىرلەسە قورعاۋ جانە دامىتۋ — بارشاعا ورتاق مىندەت.

قازاقستان ءار ەلدەن كەلگەن جاس قوناقتارعا ەسىگىن ايقارا اشا وتىرىپ، حالىقتار اراسىنداعى دوستىقتى قالىپتاستىرۋعا جانە سەنىمگە، قۇرمەتكە، جالپىادامزاتتىق قۇندىلىقتارعا نەگىزدەلگەن الەمنىڭ نەگىزىن قالايتىن جاس ۇرپاقتى تاربيەلەۋگە ءوز ۇلەسىن قوسىپ كەلەدى.

Abai.kz