قىتايدىڭ CNNC كومپانياسى قازاقستاندا تاعى ءبىر اتوم ەلەكترستانتسياسىن سالۋ جونىندەگى كونسورتسيۋمنىڭ كوشباسشىسى بولىپ تانىلدى.

بۇل تۋرالى اتوم ەنەرگياسى اگەنتتىگىنىڭ باسشىسى الماسادام ساتقاليەۆتىڭ ايتۋىنشا، شورت-ليستكە كىرگەن قاتىسۋشىلاردىڭ بارلىعى بىرەگەي تەحنولوگيالارعا يە، بىراق وبەكتيۆتى تۇردە ەڭ كۇشتى ۇسىنىستار قىتاي مەن رەسەيدەن بولعان.

«قىتايمەن اتوم ونەركاسىبىندەگى ىنتىماقتاستىق تۋرالى جەكە كەلىسىمگە قول قويۋ جوسپارلانۋدا. ال ءبىز تاعى ءبىر اتوم ەلەكتر ستانتسياسىن سالۋ ءۇشىن قىتاي تەحنولوگيالارىن قازاقستاندا كورگىمىز كەلەدى»، - دەدى ساتقاليەۆ.

بۇگىن سونداي-اق قازاقستانداعى العاشقى اتوم ەلەكتر ستانتسياسىن سالۋ جونىندەگى حالىقارالىق كونسورتسيۋمنىڭ كوشباسشىسى رەسەيلىك «روساتوم» كومپانياسى ەكەنى بەلگىلى بولدى. بۇل تۋرالى قازاقستان رەسپۋبليكاسىنىڭ اتوم ەنەرگياسى جونىندەگى اگەنتتىگى مالىمدەدى.

Abai.kz