2025 جىلدىڭ 20 ماۋسىمىنان 20 شىلدەسىنە دەيىن «Jas Keñes Siyligi» بايقاۋىنا وتىنىمدەردى قابىلداۋ جالعاسىپ جاتىر. 

«Jas Keñes Sıylığı» – قازاقستان رەسپۋبليكاسى پرەزيدەنتى جانىنداعى جاستار ساياساتى جونىندەگى كەڭەستىڭ باستاماسىمەن 2024 جىلى قۇرىلعان تاۋەلسىز جاستار سىيلىعى. بۇل سىيلىق ەلىمىزدىڭ ەكونوميكاسى مەن قوعامدىق ومىرىندەگى نەگىزگى سالالاردا بەلسەندى جاس ماماندارعا تابىستالادى.

سىيلىققا قازاقستان رەسپۋبليكاسىنىڭ 35 جاسقا تولماعان (35 جاس قوسپاي العاندا) ازاماتتارى قاتىسا الادى. بايقاۋعا قاتىسۋعا ءوتىنىمدى https://www.jas-kenes.kz/application سايتىندا بەرۋگە بولادى.

كونكۋرستىق ىرىكتەۋ 3 كەزەڭنەن تۇرادى. ءار نوميناتسيا بويىنشا 2 جەڭىمپازدان، بارلىعى 20 جەڭىمپاز انىقتالادى. بايقاۋدىڭ جۇلدە قورى – 20 ميلليون تەڭگە ء(ار جەڭىمپازعا 1 ميلليون تەڭگەدەن).

وتكەن جىلمەن سالىستىرعاندا بيىل جاس عالىمدار، جوعارى وقۋ ورىندارىنىڭ وقىتۋشىلارى مەن دارىگەرلەر، اقپاراتتىق-كوممۋنيكاتسيالىق تەحنولوگيالار، كرەاتيۆتى يندۋستريالار جانە اتوم ونەركاسىبى سالاسىنىڭ وكىلدەرى سياقتى جاڭا ماماندىقتار ەنگىزىلدى.

ۇيىمداستىرۋشىلاردىڭ ايتۋىنشا، بيىل نوميناتسيالار سانى 7-دەن 10-عا دەيىن ارتقان:

- «Janqıarlyq» – قر ىشكى ىستەر ورگاندارى مەن قارۋلى كۇشتەرىنىڭ قىزمەتكەرلەرىنە ارنالعان;

- «Altyn jürek» – ورتا جانە كىشى مەديتسينا قىزمەتكەرلەرىنە (جەدەل جاردەم، اكۋشەر، سانيتار جانە ت.ب.) جانە دارىگەرلەرگە ارنالعان;

- «Önerkäsıp» – وڭدەۋ ونەركاسىبى، تاۋ-كەن-مەتاللۋرگيا كەشەنى جانە ەكونوميكانىڭ باسقا دا وندىرىستىك سەكتورلارىندا جۇمىس ىستەيتىندەرگە ارنالعان;

- «Bolaşaq turaly qamqorlyq» – ينكليۋزيۆتى وقۋ ورتالىقتارىنىڭ قىزمەتكەرلەرىنە، ارنايى قىزمەت كورسەتەتىن ۇيىمدارعا، الەۋمەتتىك قىزمەت كورسەتەتىن مەكەمەلەرگە (بالالار ۇيلەرى، حوسپيستەر، قارتتار ۇيلەرى، مۇمكىندىگى شەكتەۋلى جاندارعا قولداۋ كورسەتۋ ورتالىقتارى جانە ت.ب.), سونداي-اق ۆولونتەرلەرگە ارنالعان;

- «Bılım jäne Ğylym» – مەكتەپكە دەيىنگى، ورتا، تجكب، جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ پەداگوگتەرىنە، سونىمەن قاتار عالىمدار، عىلىمي قىزمەتكەرلەر مەن زەرتتەۋشىلەرگە ارنالعان;

- «Qaisar» – اۆاريالىق-قۇتقارۋ قىزمەتى، ءورت سوندىرۋشىلەر جانە ازاماتتىق قورعانىس جۇيەسىنىڭ وزگە دە ۇيىمدارىنىڭ قىزمەتكەرلەرىنە ارنالعان;

- «Altyn qol» – سىرلاۋشى، سانتەحنيك، قۇرىلىسشى جانە ت.ب. جۇمىسشى ماماندىقتارىنىڭ وكىلدەرىنە، سونداي-اق پيك، ميب جانە ەلدى مەكەندەردىڭ تىرشىلىگىن قامتاماسىز ەتۋگە جاۋاپتى ۇيىمداردىڭ قىزمەتكەرلەرىنە ارنالعان;

- «Zharyq» – ەنەرگەتيكا سالاسىنىڭ، اتوم ونەركاسىبىنىڭ، مۇناي-گاز كاسىپورىندارىنىڭ قىزمەتكەرلەرىنە ارنالعان;

- «Örken» – اگروونەركاسىپ كەشەنى، اۋىل شارۋاشىلىعى ونىمدەرىن قايتا وڭدەۋ جانە ازىق-تۇلىك ونىمدەرىن ءوندىرۋ سالاسىنداعى ماماندارعا ارنالعان;

- «Örleu» – اقپاراتتىق-كوممۋنيكاتسيالىق تەحنولوگيالار (ونىڭ ىشىندە جاساندى ينتەللەكت، دەرەكتەردى تالداۋ جانە ت.ب.) جانە كرەاتيۆتى يندۋستريالار سالاسىنىڭ قىزمەتكەرلەرىنە ارنالعان.

سىيلىق پەن كەڭەستىڭ قىزمەتى تۋرالى تولىق اقپاراتتى https://www.jas-kenes.kz/ سايتىنان بىلە الاسىزدار.

Abai.kz