الماتىداعى رەسپۋبليكالىق فيزيكا-ماتەماتيكا مەكتەبىنىڭ (رفمم) 10-سىنىپ وقۋشىسى ادەمى عابيتقىزى ازيانىڭ جەتەكشى جوعارى وقۋ ورىندارىنىڭ ءبىرى – گونكونگ ءبىلىم ۋنيۆەرسيتەتىنەن (EdUHK) رەسمي شاقىرتۋ الدى.

ۋنيۆەرسيتەت ونىڭ ءبىلىم بەرۋ تەحنولوگيالارى مەن جاساندى ينتەللەكت سالاسىنداعى ءبىلىمىن جوعارى باعالادى.

گونكونگقا ساپارى بارىسىندا ادەمى ۋنيۆەرسيتەت باسشىلىعىمەن جانە جاساندى ينتەللەكت سالاسىنىڭ جەتەكشى ماماندارىمەن، اتاپ ايتقاندا دوكتور گەري چەنگ پەن دوكتور گەنري سو مىرزامەن كەزدەستى. عالىمدار قازاقستاندىق وقۋشىنىڭ ويلاۋ جەتىكتىگىنە، لوگيكاسىنا جانە تەرەڭ دايىندىق دەڭگەيىنە تاڭدانىس ءبىلدىرىپ، رفمم-دە بەرىلەتىن ءبىلىمنىڭ جوعارى دەڭگەيىن اتاپ ءوتتى.

ادەمىنىڭ جەتىستىگىنىڭ ارقاسىندا گونكونگتاعى اكادەميالىق ورتا قازاقستان وقۋشىلارىنىڭ دارىندىلىعى جانە ەلدەگى ۇزدىك وقۋ ورىندارىنىڭ ءبىرى قالىپتاستىرىپ جاتقان زياتكەرلىك ورتا تۋرالى ايتا باستادى.