جولاۋشىلار اراسىندا پويىزعا كەشىگىپ قالۋ ءجيى كەزدەسەتىن قولايسىز جاعدايلاردىڭ ءبىرى.

پويىزعا كەشىككەن كەزدە ەڭ الدىمەن، جولاۋشى ۆوكزالداعى بيلەت كاسساسىنا بارىپ، جاعدايدى كاسسيرگە حابارلاۋى ءتيىس.

ەگەر جولاۋشى پويىزعا ۇلگەرمەي قالسا، بيلەت قۇنىن جارتىلاي قايتارىپ الۋعا مۇمكىندىگى بار. الايدا بۇل ءراسىم بيلەتتە كورسەتىلگەن پويىز ستانتسيادان جونەلتىلگەن ساتتەن باستاپ 1 ساعات ىشىندە عانا ورىندالادى، - دەيدى "جولاۋشىلار تاسىمالى" اق قىزمەتكەرلەرى.

قايتارۋ ءراسىمىن جۇزەگە اسىرۋ ءۇشىن جولاۋشى جەكە كۋالىگى مەن بيلەتىن ۇسىنۋى قاجەت. كاسسير ءتيىستى قۇجاتتاردى راسىمدەپ، ەگەر بوس ورىن بولسا، كەلەسى پويىزبەن جول ءجۇرۋدىڭ باسقا نۇسقالارىن ۇسىنۋى مۇمكىن.

بيلەت قۇنىن قايتارۋ مولشەرى مەن مەرزىمى جولاۋشىلاردى، جۇك پەن باگاجدى، سونداي-اق پوشتا جونەلتىلىمدەرىن تەمىرجول كولىگىمەن تاسىمالداۋ ەرەجەلەرىنە سايكەس جۇرگىزىلەدى، - دەيدى قىزمەتكەرلەر.

قوسىمشا اقپارات الۋ ءۇشىن جولاۋشىلار 1433 نومىرىنە حابارلاسۋعا بولادى.