.png)
جۇمىسشى ماماندىقتارى جىلى: كومپانيالار توبىنىڭ قىزمەتكەرلەرى 14 سپورت تۇرىنەن باق سىناسۋدا
جۇمىسشى ماماندىقتارى جىلىنداعى ەڭ ءىرى سپارتاكيادا: 14 سپورت ءتۇرى مەن 1000-نان استام قاتىسۋشى
جۇمىسشى ماماندىقتارى جىلى: استانادا سپورت پەن ەڭبەكتى قۇرمەتتەۋگە ارنالعان شارا ءوتىپ جاتىر
8–10 تامىز ارالىعىندا استانادا مەرەيتويلىق X سپارتاكيادا ءوتىپ جاتىر. وعان ەلىمىزدىڭ ءار وڭىرىنەن كەلگەن شامامەن مىڭنان استام ادام قاتىسۋدا. بارلىعى – ەلىمىزدەگى ءىرى كاسىپورىنداردىڭ قىزمەتكەرلەرى، نەگىزىنەن جۇمىسشى جانە وندىرىستىك ماماندىق يەلەرى.
اتالعان سپورتتىق شارا جۇمىسشى ماماندىقتارى جىلىنا وراي ۇيىمداستىرىلىپ وتىر جانە ەل ەكونوميكاسىنىڭ تۇراقتىلىعى مەن دامۋىنا ۇلەس قوسىپ جۇرگەن ەڭبەك ادامدارىنا دەگەن قۇرمەتتىڭ ماڭىزدى سيمۆولىنا اينالدى.
بيىل سايىستارعا كولىك، ەنەرگەتيكا، مۇناي-گاز جانە باسقا دا جەتەكشى سالا وكىلدەرىنەن قۇرالعان 14 كوماندا قاتىسۋدا. باعدارلاما 14 سپورت ءتۇرى مەن كوماندالىق، جەكە جانە ينكليۋزيۆتى سپورت باعىتتارىن قامتيدى. ماسەلەن، وزگەلەرمەن قاتار ەرەكشە قاجەتتىلىكتەرى بار قىزمەتكەرلەر دە دارتس پەن ۇستەل تەننيسىنەن باق سىناسادى.
«سپورت – ءبىز ءۇشىن ماڭىزدى باعىت. ءبىز سپورتتى توپ ىشىندە دە، ەل بويىنشا دا سپورتتىق ينفراقۇرىلىمدى سالۋ ارقىلى قولدايمىز. سوڭعى ءۇش جىلدا 90 مىڭنان استام بالانى قامتيتىن 15 سپورت كەشەنىن اشتىق»، – دەدى «سامۇرىق-قازىنا» اق باسقارما توراعاسى نۇرلان جاقىپوۆ.
مۇنداي ءىس-شارالار كوماندالىق رۋحتى نىعايتىپ، سەرىكتەستىك داعدىلارىن دامىتادى جانە سالاۋاتتى ۇجىمدىق مادەنيەتتى قالىپتاستىرادى. بۇل اسىرەسە مىڭداعان قىزمەتكەرى بار جانە ولاردىڭ باسىم بولىگى ءوندىرىس سالاسىنىڭ ماماندارىنان تۇراتىن ۇجىمدار ءۇشىن ماڭىزدى. ويتكەنى ولاردىڭ جۇمىسى جوعارى جاۋاپكەرشىلىك پەن ءتارتىپتى، كاسىبي بىلىكتىلىكتى تالاپ ەتەدى.
مەرەيتويلىق سپارتاكيادا ناعىز سپورتتىڭ، بىرلىك پەن ەڭبەكتى قۇرمەتتەۋدىڭ مەرەكەسىنە اينالدى. ۇيىمداستىرۋشىلاردىڭ پىكىرىنشە، مۇنداي باستامالار ۇجىمداعى اۋىزبىرشىلىكتى نىعايتىپ، سالالاردىڭ تۇراقتىلىعىن ارتتىرادى.
مەملەكەت باسشىسى قاسىم-جومارت توقاەۆتىڭ باستاماسىمەن 2025 جىل ەلىمىزدە جۇمىسشى ماماندىقتارى جىلى بولىپ جاريالاندى. اتالعان باستاما جۇمىسشى ماماندىقتارىنىڭ بەدەلىن ارتتىرۋعا، بىلىكتى كادرلاردى قولداۋعا جانە وندىرىستىك ەڭبەكتىڭ ەكونوميكاداعى ءرولىن كۇشەيتۋگە باعىتتالعان.
پرەزيدەنت ەلدىڭ ءاربىر جەتىستىگىنىڭ ارتىندا ەنەرگەتيكتەر، ماشينيستەر، مەتاللۋرگتەر، مۇنايشىلار، قۇرىلىسشىلار، مەحانيكتەر جانە كۇندەلىكتى ءوز ۇلەسىن قوسىپ جۇرگەن وزگە دە ەڭبەك ادامدارى تۇرعانىن بىرنەشە مارتە اتاپ وتكەن ەدى.
سپارتاكيادا نازارباەۆ ۋنيۆەرسيتەتىنىڭ اتلەتيكا ورتالىعىندا ءوتىپ جاتىر.
Abai.kz
