اباي وبلىسىندا قازاقتىڭ ۇلى اقىنى، ويشىل اباي قۇنانبايۇلىنىڭ تۋعانىنا 180 جىل تولۋىنا ارنالعان سالتاناتتى ءىس-شارا ءوتتى. مەرەيتوي بارىسىندا قازاقستان پرەزيدەنتى قاسىم-جومارت توقاەۆتىڭ قۇتتىقتاۋ حاتىن سەنات توراعاسى ماۋلەن اشىمباەۆ وقىپ بەردى.

سۋرەتتى تۇسىرگەن: ا.بايجۇمانوۆ

مەملەكەت باسشىسىنىڭ قۇتتىقتاۋىندا ابايالەمدىك اۋقىمداعى عۇلاما ەكەنىنە جانە ونىڭ رۋحاني مۇراسى كەلەر ۇرپاق ءۇشىن دە وزەكتى بولىپ قالا بەرەتىنىنە باسا ءمان بەرىلگەن.

«اباي – ءتول مادەنيەتىمىزدى دامىتۋعا ولشەۋسىز ۇلەس قوسقان الەمدىك دەڭگەيدەگى كەمەڭگەر تۇلعا، حالقىمىزدىڭ سانا-سەزىمىن جاڭعىرتقان ۇلى اقىن. ول جاڭا ادەبيەتىمىزدىڭ نەگىزىن قالاپ، دۇنيەتامىمىزدىڭ كوكجيەگىن كەڭەيتتى. وسكەلەڭ ۇرپاقتى ءبىلىمپاز، ەڭبەكقور، ادال ازامات بولۋعا شاقىرىپ، ۇلتتىڭ جاڭا ساپاسىن قالىپتاستىراتىن قاسيەتتەردى كەڭىنەن دارىپتەدى. وتانعا دەگەن سۇيىسپەنشىلىكتىڭ جانە ەل مۇددەسى ءۇشىن قالتقىسىز قىزمەت ەتۋدىڭ وزىق ۇلگىسىن كورسەتتى. حاكىم ابايدىڭ مول مۇراسى – قازاق حالقىنىڭ عانا ەمەس، بارشا ادامزاتتىڭ ونەگە الاتىن اسىل قازىناسى. ونىڭ وي-تولعامدارى مەن وسيەتتەرىنىڭ وزەكتىلىگى ەشقاشان جوعالمايدى. سوندىقتان ابايدى تانۋ جانە تانىتۋ، شىعارماشىلىعىن تەرەڭ زەردەلەۋ وتە ماڭىزدى», – دەلىنگەن پرەزيدەنتتىڭ قۇتتىقتاۋ حاتىندا.

سۋرەتتى تۇسىرگەن: ا.بايجۇمانوۆ

سەنات توراعاسى ماۋلەن اشىمباەۆ ءوز سوزىندە كەيىنگى جىلداردا مەملەكەت باسشىسىنىڭ باستاماسىمەن اباي مۇراسى ەلىمىزدە عانا ەمەس، الەمدىك دەڭگەيدە دە كەڭىنەن ناسيحاتتالىپ جاتقانىن ايتتى. ۇلى ويشىلدىڭ 180 جىلدىق مەرەيتويى – بۇكىل ەل ءۇشىن ماڭىزدى رۋحاني وقيعا. بۇل اۋقىمدى ءىس-شارا حالقىمىزدىڭ پاراسات بيىگىنە, ادامگەرشىلىك قۇندىلىقتارعا جانە ۇلتتىق بىرەگەيلىككە دەگەن ۇمتىلىسىنىڭ جارقىن كورىنىسى ەكەنى انىق.

«پرەزيدەنتىمىز قاسىم-جومارت كەمەلۇلى توقاەۆ ۇلى ويشىلدى جان-جاقتى ۇلىقتاۋعا ۇنەمى باسا ءمان بەرىپ كەلەدى. سوڭعى جىلداردا اباي مۇراسىن كەڭىنەن دارىپتەۋ ءۇشىن كوپتەگەن جۇمىس اتقارىلدى. مەملەكەت باسشىسىنىڭ باستاماسىمەن رەسمي تۇردە 10 تامىز – اباي كۇنى بولىپ بەكىتىلدى. اباي شىعارمالارى الەمنىڭ نەگىزگى تىلدەرىنە اۋدارىلدى. وسى رەتتە پرەزيدەنتىمىزدىڭ تاپسىرماسىمەن الماتىدا اباي ۇلتتىق مەكتەبى بوي كوتەرىپ جاتقانىن دا اتاپ وتكەن ءجون. بۇل بىرەگەي ءبىلىم ورداسى قازاق زيالىلارىنىڭ جاڭا بۋىنىن قالىپتاستىرۋعا قىزمەت ەتپەك. سونداي-اق ۇلى ويشىل بىزگە «تولىق ادام» تۇجىرىمداماسىن وسيەت ەتتى.قازىرگى تاڭدا ابايدىڭ بۇل يدەياسى مەملەكەتتىك ساياساتىمىزدىڭ نەگىزگى وزەگىنە اينالىپ وتىر.مەملەكەت باسشىسى جاريالاعان «ادال ازامات» تۇجىرىمداماسى وسى نەگىزگە تابان تىرەيدى.پرەزيدەنتىمىز «ۇلتتىق قۇرىلتايدا» بەلگىلەپ بەرگەن وزىق ويلى ۇلتقا ءتان قاسيەتتەر دە عۇلامانىڭ وسيەتتەرىمەن ۇندەس. وسىنداي ءىس-شارالاردى ابايعا تاعزىم ەتۋ عانا ەمەس، ونىڭ ويلارىن زاماناۋي تۇرعىدا جاڭاشا ءتۇسىنىپ، ومىردە جۇزەگە اسىرۋعا جاڭا مۇمكىندىك دەپ قابىلدايمىز», – دەدى ماۋلەن اشىمباەۆ.

سۋرەتتى تۇسىرگەن: ا.بايجۇمانوۆ

سونىمەن قاتار پالاتا سپيكەرى مەرەيلى داتا اياسىندا حالىقارالىق، رەسپۋبليكالىق جانە وڭىرلىك دەڭگەيدە 100-دەن استام اۋقىمدى ءىس-شارا وتكىزىلىپ جاتقانىن تىلگە تيەك ەتتى. ولاردىڭ قاتارىندا ايتىس، ۇلتتىق ونەر فەستيۆالى جانە تاعى باسقاىرگەلى جوبالار بار. اباي مۇراسىنا ارنالعان «ABAY ACADEMIYASY» العاشقى ەنتسيكلوپەديالىق پورتالى ىسكە قوسىلىپ, سەمەيدە ينكليۋزيۆتى كىتاپحانا دا اشىلدى. بۇل اقىن ونەگەسىن بارلىق ساناتتا دارىپتەۋ جولىنداعى ماڭىزدى قادام ەكەنى ءسوزسىز.

سەنات توراعاسى وڭىرگە ساپارى بارىسىندا اباي مەن شاكارىمنىڭ كەسەنەلەرىن زيارات ەتىپ، قاراۋىل اۋىلىندا اقىن ەسكەرتكىشىنە گۇل شوعىن قويدى.

ويشىلدىڭ مەرەيتويى اباي وبلىسىندا ۇلتتىق دەڭگەيدەگى مادەني وقيعاعا اينالىپ، وعان 15 ەلدەن كەلگەن دەلەگاتسيا وكىلدەرى, زيالى قاۋىم، جاستار مەن قوعام قايراتكەرلەرءى، بارلىعى 30 مىڭنان استام ادام قاتىستى.

Abai.kz

سۋرەتتى تۇسىرگەن: ا.بايجۇمانوۆ