استانا قالاسىندا 2025-2026 وقۋ جىلىندا 206 ورتا ءبىلىم بەرەتىن ۇيىم بار، ونىڭ ىشىندە 122-ءسى – مەملەكەتتىك، 77-ءسى – جەكەمەنشىك، 7-ەۋى – رەسپۋبليكالىق.

الداعى وقۋ جىلىنا دايىندىق بارىسى تۋرالى ەلوردانىڭ كوممۋنيكاتسيالار قىزمەتىندە وتكەن بريفينگتە قالالىق ءبىلىم باسقارماسى باسشىسىنىڭ ورىنباسارى مارجانگۇل قايىرباەۆا ايتىپ ءوتتى.

سپيكەردىڭ مالىمەتىنشە، وتكەن وقۋ جىلىمەن سالىستىرعاندا مەكتەپ سانى 10 ۇيىمعا ارتىپ وتىر. ەلوردا وقۋشىلارى وتكەن جىلى 288 مىڭنان استام بولسا، بيىلعى وقۋ جىلىندا 310 مىڭنان استام وقۋشى قابىلدانىپ وتىر.

جاڭا 2025-2026 وقۋ جىلىندا جالپى ءبىلىم بەرەتىن مەكتەپتەردىڭ 1-سىنىبىنا 31 مىڭ بالانى قابىلداۋ جوسپارلانعان بولاتىن.

بۇگىنگى كۇنى 30 057 بالا قابىلداندى، ونىڭ ىشىندە مەملەكەتتىك مەكتەپتەرگە 26 666, جەكەمەنشىككە 3 190 مىڭ بالا قابىلدانادى.

ۆەدومستۆو وكىلىنىڭ ايتۋىنشا، 2025 جىلى كوللەدجدەرگە 10 مىڭ ورىن مەملەكەتتىك ءبىلىم بەرۋ تاپسىرىسى ءبولىندى: ونىڭ ىشىندە 3 646 – جۇمىسشى ماماندىقتارىنا، 6 354 – ورتا بۋىن ماماندارى مەن قولدانبالى باكالاۆرياتقا.

قۇجاتتاردى قابىلداۋ 25 ماۋسىمنان 27 تامىزعا دەيىن جۇرگىزىلدى. قازىرگى ۋاقىتتا جۇمىسشى ماماندىقتارى بويىنشا قابىلداۋ جالعاسۋدا. ورتا بۋىن ماماندار بويىنشا ناتيجەسى ءبىلىم باسقارماسىنىڭ سايتىندا جاريالاندى. مەكتەپ قۇرىلىسى 2025 جىلى ەكى اۋىسىمدا 43 744 ءتورت ورىنعا ارنالعان 14 مەكتەپ (ونىڭ ىشىندە 7 كەلەشەك مەكتەپ، 4 بيپ) پايدالانۋعا بەرىلمەك. قازىرگى ۋاقىتتا قالالىق مەكتەپتەردىڭ 98%-ى پاندىك كابينەتتەرمەن جابدىقتالعان. وسى جىلى 32 پاندىك كابينەت ساتىپ الىندى. سول سياقتى جاڭا وقۋ جىلىنا وقۋشىلار 100 پايىز وقۋلىقپەن قامتاماسىز ەتىلەدى. قازىرگى تاڭدا 85% وقۋلىق جەتكىزىلىپ، ءبىلىم بەرۋ ۇيىمدارىنا تاراتىلدى، – دەيدى مارجانگۇل قايىرباەۆا.

بەلگىلى بولعانداي، بارلىق مەملەكەتتىك ۇيىم 100 پايىز بەينەباقىلاۋ جۇيەسىمەن قامتىلعان. 100 مەكتەپكە قوسىمشا 2000 كامەرا ورناتىلىپ جاتىر. بارلىق كامەرا مەن دابىل تۇيمەلەرى بىرىڭعاي احۋالدىق ورتالىققا جانە پوليتسيا دەپارتامەنتىنىڭ جەدەل باسقارۋ ورتالىعىنا قوسىلعان.

سونىمەن قاتار، 111 مەكتەپكە Face-ID جۇيەسى بار باقىلاۋ-وتكىزۋ قۇرىلعىلارى ورناتىلدى.

جەكە مەكتەپتەردىڭ جبو-عا قوسىلۋ كورسەتكىشى وتكەن جىلمەن سالىستىرعاندا 57%-دان 99%-عا ءوستى. قازىرگى ۋاقىتتا ءبىلىم بەرۋ ۇيىمدارىندا 29 مىڭ پەداگوگ جۇمىس ىستەيدى. «كەلەشەك مەكتەپتەرىنە» مۇعالىمدەردى قابىلداۋ باستالدى، بۇگىنگى كۇنى 785 پەداگوگ قابىلداندى. سونىمەن قاتار، اكىم گرانتى بويىنشا وقىعان 398 تۇلەك، سونداي-اق باسقا ۇيىمداردان اۋىسىپ كەلگەن 146 پەداگوگ جۇمىسقا ورنالاستىرىلدى، – دەيدى ۆەدومستۆو وكىلى.

سپيكەر ءسوز سوڭىندا 30 قىركۇيەككە دەيىن الەۋمەتتىك ساناتتاعى وتباسىلاردىڭ بالالارىنا مەكتەپ قاجەتتىلىكتەرىنە 46 مىڭ تەڭگەدەن ماتەريالدىق كومەك كورسەتىلەتىنىن ايتىپ ءوتتى.

سونىمەن بىرگە، 2 تامىزدان باستاپ «مەكتەپكە جول» اكتسياسى وتكىزىلىپ، 8,5 مىڭنان استام بالا دەمەۋشىلەر ەسەبىنەن قامتىلعانىن. ورتا ءبىلىم بەرۋ ۇيىمدارىندا تاماقتاندىرۋدى قامتاماسىز ەتۋ 115 مەكتەپتە باستاۋىش سىنىپ وقۋشىلارى مەن الەۋمەتتىك ساناتتاعى بالالار 100% تەگىن ىستىق تاماقپەن قامتىلادى، – دەپ مارجانگۇل قايىرباەۆا ءسوزىن قورىتىندىلادى.

Abai.kz