ءماجىلىس دەپۋتاتى ەدىل جاڭبىرشين پارلامەنت پالاتالارىنىڭ بىرلەسكەن وتىرىسىنىڭ كۋلۋارىندا لگبت ناسيحاتىنا زاڭمەن شەكتەۋ ەنگىزۋ ماسەلەسى قاراستىرىلىپ جاتقانىن ايتتى.

ۇكىمەتتىك ەمەس ۇيىمداردىڭ جاساعان زەرتتەۋىنە كۇمان كەلتىرۋگە بولمايدى دەپ ويلايمىن. سەبەبى ساراپشىلار زەرتتەۋلەرىن ارنايى كوميسسياعا كەلىپ ايتتى. شىنىندا بىزدە لگبت وكىلدەرىنىڭ ناسيحاتى بار ەكەنى راس. ونى ءوزىمىز دە كورىپ وتىرمىز. اسىرەسە الەۋمەتتىك جەلىلەردە بەلسەندى جۇمىس ىستەيدى. وزدەرىنىڭ سول قاۋىمداستىقتىڭ وكىلى ەكەنىن اشىق تۇردە جاريالاپ، ۇگىت جۇمىستارىن جۇرگىزىپ وتىر، - دەدى دەپۋتات.

ونىڭ ايتۋىنشا، لگبت وكىلدەرى اكتسيالار دا ۇيىمداستىرىپ ءجۇر.

ەگەر جەكە باسىڭىزدىڭ ماسەلەسى بولسا، تۇسىنەمىن. ونى قوعامعا جاريا ەتپەي، ءوز باعىتىڭىزدا ءجۇرۋىڭىز كەرەك دەپ ويلايمىن. ال ەندى سول قاۋىمداستىقتىڭ (لگبت – رەد.) وكىلى ەكەنىڭىزدى، سونداي باعىتتا جۇرگەنىڭىزدى باق نەمەسە الەۋمەتتىك جەلىنى پايدالانىپ جاريالاۋ ۇگىت-ناسيحات دەپ ەسەپتەيمىن. بۇل ءبىرىنشى كەزەكتى وسكەلەڭ ۇرپاققا اسەرىن تيگىزەدى. ادامدار ءوزىنىڭ باعىتىنان ايىرىلىپ، كىم ەكەنىنەن شاتاسادى، - دەپ سانايدى ەدىل جاڭبىرشين.

ءماجىلىس دەپۋتاتىنىڭ ايتۋىنا قاراعاندا، حالىقارالىق زەرتتەۋلەر لگبت قاۋىمداستىعى وكىلدەرىنىڭ سۋيتسيدكە باراتىنى جانە پسيحولوگيالىق كۇيزەلىسكە ءجيى ۇشىرايتىنىن كورسەتىپ وتىر.

ءبىز ناسيحاتقا قارسىمىز جانە ونى زاڭمەن بەكىتۋ كەرەك دەپ سانايمىز، - دەپ ايتتى ەدىل جاڭبىرشين كۋلۋاردا.

دەپۋتاتتار لگبت ناسيحاتىن اشىق تۇردە جاريالاۋعا زاڭ اياسىندا شەكتەۋ ەنگىزبەك. ءجاڭبىرشيننىڭ سوزىنشە، دەپۋتاتتار زاڭگەرلەرمەن بىرگە زاڭعا ءتيىستى نورمالار قاراستىرىپ جاتىر.

Abai.kz