7 قىركۇيەكتە تۇندە ىستامبۇلدا ۇكىمەتكە قارسى تارتىپسىزدىكتەر بولدى.

جەرگىلىكتى اقپارات قۇرالدارىنىڭ حابارلاۋىنشا، پوليتسيامەن قاقتىعىس ەلدىڭ نەگىزگى وپپوزيتسيالىق كۇشى رەسپۋبليكالىق حالىق پارتياسىنىڭ شتاب-پاتەرى ماڭىندا جۇزدەگەن دەمونسترانتتار جينالدى. نارازىلىقتار تۇركيا باسشىسى رەجەپ تايىپ ەردوعاننىڭ ساياسي شەشىمدەرىنە قارسى باعىتتالعان. بولجام بويىنشا، ماسەلە سوتتىڭ رەسپۋبليكالىق حالىق پارتياسىن ىستامبۇل باسشىلىعىن قىزمەتىنەن الاستاتىپ، بيلىك پارتياسىنان سەنىمدى تۇلعانى تاعايىنداۋىندا بولىپ وتىر.

جاعداي ۋشىعىپ تۇرعان تۇستا وپپوزيتسيالىق رەسپۋبليكالىق حالىق پارتياسىنىڭ جەتەكشىسى وزگۋر وزەل جاقتاستارىن پارتيانىڭ شتاب-پاتەرىنە جينالىپ، "بىرىڭعاي الدىڭعى شەپكە" شىعۋعا شاقىردى.

قاۋىپسىزدىك كۇشتەرى تۇركيانىڭ نەگىزگى وپپوزيتسيالىق پارتياسىنىڭ (رەسپۋبليكالىق حالىق پارتياسى) شتاب-پاتەرىن قورشاۋعا الدى، ال شەرۋشىلەر قورشاۋدى بۇزىپ وتۋگە تىرىسۋدا. ازىرگە قازا تاپقاندار مەن ۇستالعاندار تۋرالى اقپارات جوق.

سونىمەن بىرگە ىستامبۋل گۋبەرناتورلىعى قالانىڭ بەس اۋدانىندا – بەيوعلۋ، ەيۇپسۇلتان، كاگىتحانە، سارىەر جانە شيشليدە ميتينگىلەر، اشىق اسپان استىندا ءباسپاسوز ءماسليحاتتارى، جيىندار مەن شەرۋلەر وتكىزۋگە ۋاقىتشا تىيىم سالعانىن جاريالادى.

بۇل شەشىم 7 قىركۇيەكتە كۇشىنە ەندى جانە 10 قىركۇيەككە دەيىن كۇشىندە بولادى.

Abai.kz