الماتى قالاسى ىشكى ساياسات باسقارماسىنىڭ قوعامدىق دامۋ ورتالىعى باستاماسىمەن «جۇمىسشى ماماندىقتار جىلى» اياسىندا WORKSHOP «ەڭبەك پەن شەبەرلىك» جوبا شەڭبەرىندە «كاسىبي جولدىڭ باستاۋى» اتتى تاعىلىمدىق كەزدەسۋ ۇيىمداستىرىلدى.

شارانىڭ نەگىزگى ماقساتى — جاس ۇرپاقتىڭ كاسىبي باعدارىن قالىپتاستىرۋ، ەڭبەك نارىعىندا ءوز ورنىن تابۋعا باعىت-باعدار بەرۋ جانە تابىستى ماماندارمەن اشىق سۇحبات ارقىلى ولاردى شابىتتاندىرۋ، ەڭبەككە ىنتالاندىرۋ.

ءىس-شاراعا ارنايى قوناق رەتىندە «JapJARYQ» كومپانياسىنىڭ باس ديرەكتورى، كوپجىلدىق تاجىريبەسى بار بىلىكتى مامان، ءوز ءىسىنىڭ شەبەرى — مۋسيرمانقۇلوۆ نۇرعالي پۋلاتۇلى شاقىرىلىپ، ول ءوزىنىڭ ەڭبەك جولىنداعى ماڭىزدى كەزەڭدەر، كاسىبي جەتىستىكتەرى مەن كەزدەسكەن قيىندىقتار جايلى شىنايى ءارى اسەرلى اڭگىمەلەپ بەردى.

كەزدەسۋ بارىسىندا جاستار كاسىپتىك دامۋ مەن مانساپتىق ءوسۋدىڭ قۇپيالارىنا قانىعىپ، ەڭبەككە ادالدىق پەن جاۋاپكەرشىلىك، ۇزدىكسىز ىزدەنىس پەن شىدامدىلىق سەكىلدى قاسيەتتەردىڭ ماڭىزىن تەرەڭ تۇسىنە ءتۇستى. سونىمەن قاتار، قاتىسۋشىلار ماماندىق تاڭداۋدا ەسكەرەتىن نەگىزگى فاكتورلار، ەڭبەك نارىعىنداعى سۇرانىس پەن مۇمكىندىكتەر جايىندا قۇندى اقپارات الدى.

تىكەلەي ديالوگ فورماتىندا وتكەن بۇل كەزدەسۋ وقۋشىلار مەن ستۋدەنتتەردىڭ قىزىعۋشىلىعىن تۋدىرىپ، ولاردى بەلسەندى تۇردە سۇراقتار قويۋعا يتەرمەلەدى. وسىنداي شىنايى ءارى ومىرلىك مىسالدارعا نەگىزدەلگەن كەزدەسۋلەر جاستاردىڭ بولاشاققا سەنىممەن قاراۋىنا جانە ەڭبەك جولىن دۇرىس جوسپارلاۋىنا وڭ ىقپال ەتەتىنى ءسوزسىز.

ءىس-شارا سوڭىندا قاتىسۋشىلار تاراپىنان ۇلكەن العىس ءبىلدىرىلىپ، مۇنداي موتيۆاتسيالىق كەزدەسۋلەردىڭ الداعى ۋاقىتتا دا ءوز جالعاسىن تابۋى قاجەتتىگى اتاپ ءوتىلدى.

Abai.kz