الماتى قالاسى ىشكى ساياسات باسقارماسىنىڭ قوعامدىق دامۋ ورتالىعى باستاماسىمەن «جۇمىسشى ماماندىقتار جىلى» اياسىندا WORKSHOP «ەڭبەك پەن شەبەرلىك» جوبا شەڭبەرىندە «ەڭبەكپەن  شىڭدالعان جەتىستىك» اتتى كەزدەسۋ وتكىزدى.

ماقساتى — جاس ۇرپاقتىڭ كاسىبي باعدارىن قالىپتاستىرۋ، ەڭبەك نارىعىنداعى ءوز ورنىن تابۋعا باعىت بەرۋ جانە تابىستى ماماندارمەن تىكەلەي سۇحباتتاسۋ ارقىلى شابىتتاندىرۋ.

ءىس-شاراعا ارنايى قوناق رەتىندە الماتى لوكوماتيۆ پايدالانۋ دەپوسىنىڭ باسشىسى، تاجىريبەلى مامان ءارى ءوز ءىسىنىڭ شەبەرى ساتىبالدين ايدىن ەشمۇحامبەتۇلى قاتىسىپ، جاستارعا ءوزىنىڭ كاسىبي تاجىريبەسى مەن ەڭبەك جولىنان ماڭىزدى كەڭەستەر بەردى.

كەزدەسۋ سوڭىندا وقۋشىلار جۇمىسشى ماماندىقتارىنىڭ ماڭىزى تۋرالى تىڭ مالىمەتتەر الادى. ارنايى قوناقتىڭ تاجىريبەسىمەن ءبولىسۋى جاستارعا ەڭبەكقورلىق پەن تاباندىلىقتىڭ ءمانىن ءتۇسىندىرىپ، بولاشاق ماماندىق تاڭداۋدا دۇرىس باعىت الۋعا ىقپال ەتەتىن بولادى دەگەن سەنىمدەمىز.

سونىمەن قاتار، شارا بارىسىندا وقۋشىلارمەن اشىق ديالوگ ۇيىمداستىرىلىپ، ولار كوكەيلەرىندە جۇرگەن سۇراقتارىن قويىپ، ناقتى ءارى شىنايى جاۋاپتار الا الدى. بۇل ءوز كەزەگىندە جاستاردىڭ جۇمىسشى ماماندىقتارىنا دەگەن قىزىعۋشىلىعىن ارتتىرىپ، بولاشاقتا وسى باعىتتا ءبىلىم الىپ، ەڭبەك جولىن تاڭداۋعا دەگەن ىنتاسىن وياتتى.

كەزدەسۋ شىنايى ءارى موتيۆاتسيالىق اتموسفەرادا ءوتتى. قاتىسۋشىلار ەڭبەككە ادالدىق، شەبەرلىك پەن تاباندىلىق ارقىلى جەتىستىككە جەتۋدىڭ جولدارىن تەرەڭىرەك ءتۇسىندى. سونىمەن بىرگە، ەڭبەك ادامدارىنىڭ قوعامداعى ءرولى مەن قادىر-قاسيەتى تۋرالى ماڭىزدى ويلار ورتاعا سالىندى.

وسىنداي شارالار الداعى ۋاقىتتا دا جالعاسىن تاۋىپ، جۇمىسشى ماماندىقتارىنىڭ قوعامداعى بەدەلىن ارتتىرۋعا جانە جاس ۇرپاقتى ەڭبەككە باۋلۋعا سەرپىن بەرەتىنى ءسوزسىز.

Abai.kz