قىركۇيەكتە عانا الماتىلىق سىبايلاس جەمقورلىققا قارسى كۇرەس باسقارماسىنىڭ وكىلدەرى ءۇش جول پوليتسياسى قىزمەتكەرىن «پارا الدى» دەگەن جەلەۋمەن تۇتقىنداعان بولاتىن. بىراق ماسەلەنىڭ ءمانى انىقتالا كەلە، «قارجىلىقتاردىڭ قارەكەتى» زاڭسىز دەپ تانىلدى. ارادا اي وتپەستەن، مۇنداي جايتتەر وڭتۇستىك قازاقستان، اتىراۋ وبلىستارىندا دا قايتالانىپ وتىر.   بۇل ارەكەت ىشكى ىستەر مينيسترلىگىنىڭ قىتىعىنا ءتيدى مە، كۇنى كەشە استانادا وتكەن بريفينگتە مينيسترلىكتىڭ ءباسپاسوز قىزمەتىنىڭ جەتەكشىسى قۋانىشبەك جۇمانوۆ «بۇل – پروۆاكاتسيا، - دەپ ەكپىن تۇسىرە سويلەدى، - قارجى پوليتسياسى قىزمەتتىك وكىلەتتىلىگىن ءىىم قىزمەتكەرلەرىنە قارسى اسىرا پايدالانۋدا».

قىركۇيەكتە عانا الماتىلىق سىبايلاس جەمقورلىققا قارسى كۇرەس باسقارماسىنىڭ وكىلدەرى ءۇش جول پوليتسياسى قىزمەتكەرىن «پارا الدى» دەگەن جەلەۋمەن تۇتقىنداعان بولاتىن. بىراق ماسەلەنىڭ ءمانى انىقتالا كەلە، «قارجىلىقتاردىڭ قارەكەتى» زاڭسىز دەپ تانىلدى. ارادا اي وتپەستەن، مۇنداي جايتتەر وڭتۇستىك قازاقستان، اتىراۋ وبلىستارىندا دا قايتالانىپ وتىر.   بۇل ارەكەت ىشكى ىستەر مينيسترلىگىنىڭ قىتىعىنا ءتيدى مە، كۇنى كەشە استانادا وتكەن بريفينگتە مينيسترلىكتىڭ ءباسپاسوز قىزمەتىنىڭ جەتەكشىسى قۋانىشبەك جۇمانوۆ «بۇل – پروۆاكاتسيا، - دەپ ەكپىن تۇسىرە سويلەدى، - قارجى پوليتسياسى قىزمەتتىك وكىلەتتىلىگىن ءىىم قىزمەتكەرلەرىنە قارسى اسىرا پايدالانۋدا».
وتكەن سەنبىنىڭ كەشىندە اتىراۋداعى جول پوليتسياسى باسقارماسىنىڭ اكىمشىلىك عيماراتىنا باسا-كوكتەپ كىرگەن قارجى پوليتسياسىنىڭ وكىلدەرى «30 مىڭ تەڭگە پارا الدى» دەگەن كۇدىكپەن پوليتسيا ينسپەكتورىن تۇتقىنداۋ ءۇشىن جەدەل شارا جۇرگىزگەن. وبلىستىق ىشكى ىستەر باسقارماسى ءباسپاسوز قىزمەتىنىڭ بەرگەن بايانىنا قاراعاندا، قىزمەتتىك كۋالىكتەرىن كورسەتپەستەن، ازاماتتىق كيىمدە جۇرگەن «قارجىلىقتار» جول پوليتسياسى قىزمەتكەرى وتىرعان دارەتحانانىڭ ەسىگىن تەۋىپ اشىپ، «قۇرباندىقتارىن» جەرگە قۇلاتىپ، قولىنا كىسەن سالعان. ءمان-جايدىڭ ۋشىعىپ بارا جاتقانىن بايقاعان كەزەكشىلەر كومەك شاقىرعان. كومەككە كەلگەن جاساق پەن «قارجىلىقتار» اراسىندا قاقتىعىس ورىن الىپ، ەكى جول پوليتسياسى قىزمەتكەرى دەنە جاراقاتتارىن الۋىنا سەبەپ بولدى. ەكى تاراپتىڭ  «تالقىسى» قىزىپ جاتقان كەزدە، «باس سەبەپكەر» - جول پوليتسياسىنىڭ قىزمەتكەرى وقيعا ورنىنان كەتىپ قالعان. 
ماسەلەنىڭ ءمانىن بىلمەك بوپ «قارسى بەتتەگى» قارجى پوليتسياسىنا حابارلاسقاندا العان جاۋابىمىز مىناداي بولدى: تەرگەۋ قۇپيالىعىنا بايلانىستى، ءىس بويىنشا تولىق اقپارات  بەرىلمەيدى.
جۇرتتى قورعايدى دەپ جۇرگەندە ءوز-وزدەرىمەن جاۋ بوپ جاتقان جاعالىلاردىڭ بۇل ارەكەتتەرى قانشالىقتى زاڭعا سىيىمدى؟ ونى بولاشاقتا بىلەتىن بولامىز.  ال ءازىر قر قك 308 بابى بويىنشا قىلمىستىق ءىس كوتەرىلىپ جاتىر.

اتىراۋ