ەلورداداعى قاليبەك قۋانىشباەۆ اتىنداعى تەاتردا «AMANAT» پارتياسى ۇيىمداستىرعان ءداستۇرلى «ۇلى دالا» رەسپۋبليكالىق شىعارماشىلىق بايقاۋى قورىتىندىلاندى. بيىل بايقاۋ اباي قۇنانبايۇلىنىڭ 180 جىلدىعىنا ارنالدى.

ءماجىلىس سپيكەرى، «AMANAT» توراعاسى ەرلان قوشانوۆ پارتيا «ۇلى دالا» بايقاۋىن التىنشى مارتە وتكىزىپ وتىرعانىن جانە جىل وتكەن سايىن ونىڭ اۋقىمى كەڭەيىپ كەلە جاتقانىن اتاپ ءوتتى. بيىل بايقاۋ العاش رەت وڭىرلىك دەڭگەيدە وتكىزىلدى. وسى ۋاقىت ارالىعىندا 100-گە جۋىق جاس اقىن-جازۋشى كونكۋرس لاۋرەاتى اتانىپ، بۇگىندە كەڭىنەن تانىمال قالامگەرلەرگە اينالىپ وتىر.

(سۋرەتتى تۇسىرگەن: ءالي عالىم)

«مەملەكەت باسشىسى قاسىم-جومارت توقاەۆ رۋحانياتقا ەرەكشە كوڭىل بولەتىنىن جاقسى  بىلەسىزدەر. پرەزيدەنتىمىز حالقىمىزدىڭ وزىق ويلى، ينتەللەكتۋالدى ۇلت بولعانىن قالايدى. بۇل تۋرالى ۇلتتىق قۇرىلتايلاردا، باسقا دا جيىنداردا ۇنەمى ايتىپ تا ءجۇر. ەندىگى جاس تولقىننىڭ مىندەتى – كەشەگى قازاق ادەبيەتى جەتكەن بيىكتەن الاسارماۋ، جاڭا كوكجيەككە ۇمتىلۋ. ال ءبىزدىڭ مىندەتىمىز – وسى جاستارعا قولداۋ كورسەتۋ، جولىن اشۋ. بۇگىنگى «ۇلى دالا» بايقاۋى – سونىڭ جارقىن كورىنىسى، «AMANAT» پارتياسىنىڭ قازاق رۋحانياتىنا قوسىپ جاتقان ءبىر ۇلەسى»، – دەدى ەرلان قوشانوۆ.

پارتيا توراعاسى تاياۋدا پرەزيدەنت جارلىعىمەن ىشكى ساياساتتىڭ نەگىزگى قاعيداتتارى، قۇندىلىقتارى مەن باعىتتارى بەكىتىلگەنىن ەسكە سالدى. وسى ماڭىزدى قۇجاتتا ابايدىڭ «قارا سوزدەرى» ۇلتتىق كىتاپ نىشانى رەتىندە ايقىندالدى. سوندىقتان بۇل بايقاۋ ۇلى قالامگەر شىعارماشىلىعىنىڭ تەرەڭ مازمۇنى مەن ايرىقشا ماڭىزىن اشۋعا باعىتتالىپ، كوپشىلىكتىڭ قىزىعۋشىلىعىن وياتتى.

(سۋرەتتى تۇسىرگەن: ءالي عالىم)

ءماجىلىس سپيكەرى مەملەكەت تاراپىنان قالامگەرلەرگە جان-جاقتى قولداۋ كورسەتىلىپ كەلە جاتقانىنا نازار اۋداردى. ماسەلەن، 2023 جىلدان بەرى ەلىمىزدەگى جاس اقىن-جازۋشىلارعا پرەزيدەنتتىڭ ارناۋلى ادەبي سىيلىعى تاعايىندالادى، «ايبوز» ۇلتتىق ادەبي سىيلىعى تابىستالادى، سونداي-اق جىل سايىن ەل اۋماعىندا كوپتەگەن كونكۋرستار مەن شىعارماشىلىق ءىس-شارالار وتكىزىلەدى. جۋىردا اۋقىمدى ساۋالناما اياقتالدى. ناتيجەسىندە، وتاندىق ادەبيەتتەگى ۇزدىك 100 كىتاپ انىقتالىپ، كەڭىنەن ناسيحاتتالۋدا.

ەرلان قوشانوۆ «AMANAT» پارتياسى تاراپىنان ادەبيەتتى قولداۋ باعىتىندا اتقارىلىپ جاتقان جۇمىستارعا دا توقتالدى. ونىڭ ايتۋىنشا، ماجىلىستەگى پارتيا فراكتسياسى كوتەرگەن باستاما ناتيجەسىندە جاڭا سالىق كودەكسىندە وتاندىق باسپاگەرلەر ءۇشىن قوسىمشا قۇن سالىعى الىنىپ تاستالدى. بۇل قادام كىتاپتاردى وقىرمانعا بارىنشا قولجەتىمدى ەتۋگە مۇمكىندىك بەرەدى. سونداي-اق «كىتاپ وقيتىن ۇلت» باستاماسى مەن «كىتاپ-اماNAT» جوباسى جۇيەلى تۇردە جۇزەگە اسىرىلۋدا. وسىنداي ءىس-شارالار ارقىلى ازاماتتاردىڭ بويىندا كىتاپ وقۋ مادەنيەتى قالىپتاسىپ، كىتاپقا دەگەن قۇرمەتى ارتادى.

(سۋرەتتى تۇسىرگەن: ءالي عالىم)

ەڭ باستىسى، بۇگىندە ەل ازاماتتارى كىتاپ وقۋ ىسىنە جوعارى قىزىعۋشىلىق تانىتۋدا. سونىڭ جارقىن كورسەتكىشى رەتىندە بيىل 11 ايدا كىتاپحانالارعا 37 ميلليون ادام باردى. ولاردىڭ ورتاشا جاسى – 17-25.

بيىل «ۇلى دالا» بايقاۋى 1 شىلدە مەن 30 قازان ارالىعىندا وتكىزىلدى. وسىلايشا 120 شىعارما اقتىق كەزەڭگە جولدانىپ، ونىڭ بارلىعى اikyn.kz سايتىندا «ۇلى دالا بايقاۋى» ارنايى ايدارىمەن ورنالاستىرىلدى: https://aikyn.kz/uly-dala-baikauy.

«پوەزيا» اتالىمى بويىنشا ءبىرىنشى ورىندى ازامات سەرىكۇلى، ەكىنشى ورىندى – اسانتەمىر قارشىعاۇلى، ءۇشىنشى ورىندى – ابزال ماقاش يەلەندى.

«پروزا» اتالىمى بويىنشا جۇلدەلى ءبىرىنشى ورىندى – جاقسىلىق قازىمۇرات، ەكىنشى ورىندى – دۋمان تەرلىكباەۆ، ءۇشىنشى ورىندى – رەتبەك ماعاز قانجىعالادى.

«بالالارعا ارنالعان شىعارما» اتالىمىندا نۇربەك نۇرجانۇلى جەڭىمپاز اتانسا، ەكىنشى ورىندى – ايدانا سەگىزباي، ءۇشىنشى ورىندى – قۇرالاي ومار يەلەندى.

(سۋرەتتى تۇسىرگەن: ءالي عالىم)

«دراماتۋرگيا» اتالىمى بويىنشا ءبىرىنشى ورىن – ەلدار توقتاسىنعا، ەكىنشى ورىن – ميا العوجاەۆاعا، ءۇشىنشى ورىن – گۇلجانات يساتايقىزىنا بۇيىردى.

«ادەبي سىن» اتالىمى بويىنشا ءبىرىنشى ورىن – داريا كەلگەنگە، ەكىنشى ورىن – ايگۇل ساكەنقىزىنا، ءۇشىنشى ورىن – قارلىعاش قابايعا تابىستالدى.

سونداي-اق «اباي قۇنانبايۇلىنىڭ 180 جىلدىعى» ارنايى سىيلىعىن – ۇلاربەك دالەيۇلى، «الاش اماناتى» ارنايى سىيلىعىن – ادىلەت جاعىپار، «مىرجاقىپ دۋلاتۇلىنىڭ 140 جىلدىعى» ارنايى سىيلىعىن – انار ابدۋللينا يەلەندى.

ءىس-شارا سوڭىندا بارلىق قاتىسۋشى رەجيسسەر الىمبەك ورازبەكوۆتىڭ ايگىلى «اباي» تراگەدياسىن تاماشالادى.

Abai.kz