دونالد ترامپ «بەيبىتشىلىك كەڭەسى» جارعىسىنا 22 زاڭتار كۇنى داۆوستا قول قويۋدى جوسپارلاپ وتىر.

Bloomberg اگەنتتىگى دەرەككوزدەرگە سىلتەمە جاساپ حابارلاعانداي، گازا سەكتورىنداعى احۋالدى رەتتەۋ ءۇشىن قۇرىلعان ورگاننىڭ وكىلەتتىگى مەن جارعىسىنىڭ تۇپكىلىكتى نۇسقاسى دۇنيەجۇزىلىك ەكونوميكالىق فورۋم اياسىندا بەكىتىلمەك.

دەرەككوزدەردىڭ مالىمەتىنشە، دونالد ترامپ شاقىرىلعان مەملەكەتتەرگە قۇجاتقا بەيسەنبى كۇنى-اق قول قويدىرتقىسى كەلەدى. بۇل باستامانى رەسمي تۇردە ىسكە قوسۋعا مۇمكىندىك بەرەدى.

جارعىنىڭ جوباسىنا سايكەس، اقش پرەزيدەنتى «الەم كەڭەسىنىڭ» العاشقى توراعاسى اتانىپ، جاڭا قاتىسۋشىلاردى شاقىرۋ جونىندەگى شەشىمدى جەكە ءوزى قابىلداۋ قۇقىعىن ساقتاپ قالادى.

ۇيىمنىڭ تۇراقتى مۇشەسى مارتەبەسىن الۋ ءۇشىن اقش اكىمشىلىگى مەملەكەتتەردەن العاشقى جىل ىشىندە كەمىندە 1 ميلليارد دوللار كولەمىندە جارنا اۋدارۋدى تالاپ ەتىپ وتىر.

بۇعان دەيىن دونالد ترامپ گازا سەكتورىن قالپىنا كەلتىرۋدى ۇيلەستىرۋمەن اينالىساتىن «الەم كەڭەسىنىڭ» قۇرىلاتىنىن جاريالاعان بولاتىن. بۇل مالىمدەمە اقش-تىڭ تاياۋ شىعىس جونىندەگى ارنايى وكىلى ستيۆ ۋيتكوففتىڭ وڭىردە اتىستى توقتاتۋ رەجيمىنىڭ ەكىنشى كەزەڭى باستالعانى تۋرالى حابارىنان كەيىن جاسالدى.

Abai.kz