Qazaq Expert Club ساراپشىسى، قارجىگەر ۆەنەرا جانالينانىڭ ايتۋىنشا، بيىل ازىق-تۇلىك 20%، ءدارى-دارمەك پەن كيىم 15% قىمباتتاۋى مۇمكىن.

قازاقستاندىقتار ءۇشىن جاعىمسىز بۇل بولجام بىرنەشە فاكتورعا نەگىزدەلگەن: تەڭگەنىڭ السىرەۋى، جاڭا سالىق كودەكسىنە كوشۋ جانە حالىق پەن بيزنەس اراسىنداعى تۇراقتى ينفلياتسيالىق كۇتۋلەر.

ەسكە سالا كەتەيىك، 2025 جىلى ازىق-تۇلىك باعاسى ءبىر جىل ىشىندە 13,5%-عا، اقىلى قىزمەتتەر — 12%-عا، ال ازىق-تۇلىككە جاتپايتىن تاۋارلار 11,1%-عا قىمباتتاعان.

— 2026 جىلى جەكەلەگەن ساناتتار بويىنشا باعانىڭ جەرگىلىكتى دەڭگەيدە كۇرت ءوسۋى مۇمكىن. اتاپ ايتقاندا، ازىق-تۇلىك باعاسى ۆاليۋتا باعامىنىڭ اۋىتقۋى، لوگيستيكالىق فاكتورلار جانە يمپورتقا تاۋەلدىلىك سالدارىنان 15–20% ارالىعىندا قىمباتتاۋى ىقتيمال. قىزمەت كورسەتۋ سالاسى مەن رەتتەلەتىن تاريفتەردە، سونداي-اق يمپورتقا سەزىمتال ازىق-تۇلىك ەمەس تاۋارلار بويىنشا (تەحنيكا، ءدارى-دارمەك، كيىم-كەشەك، اۆتوكولىك بولشەكتەرى) جەكەلەگەن پوزيتسيالار 10–15% شاماسىندا سەكىرمەلى ءوسىم كورسەتۋى مۇمكىن. كومپانيالار كوبىنە بولاشاق شىعىنداردىڭ ارتۋىن الدىن الا باعاعا ەنگىزەدى.

مىسالى، تۇرعىن ءۇي نارىعىندا قۇرىلىسقا قوسىلعان قۇن سالىعىن ەنگىزۋ كۇتىلىپ وتىرعانىنىڭ ءوزى باعانىڭ 8–12%-عا وسۋىنە الىپ كەلدى، ال رەفورمانىڭ ءوزى ءالى ىسكە اسقان جوق. بۇل ينفلياتسيا ۇلتتىق بانكتىڭ قاتاڭ ساياساتىنا قاراماستان، كۇتۋلەر مەن ۆاليۋتا تاۋەكەلدەرى سالدارىنان جەدەلدەۋى مۇمكىن ەكەنىن كورسەتەدى، — دەپ كەلتىرەدى قارجىگەردىڭ ءسوزىن «دياپازون» باسىلىمى.

Abai.kz